بانكروتقا ۇشىراعان "استانا" بانكىنىڭ سالىمشىلارىنا 26 قاڭتاردان باستاپ وتەماقى تولەنەدى دەپ جازادى Qamshy.kz اقپارات اگەنتتىگى kaztag.kz سايتىنىڭ دەرەگىن نەگىزگە الىپ. 

"استانا بانكىنىڭ سالىمشىلارىنان ارىز قابىلداۋ جانە وتەماقى تولەۋ 26 قاڭتاردان باستالادى. سالىمشىلارعا «ەۋرازيالىق بانك» اق بارلىق بولىمشەلەرى مەن فيليالدارىندا قىزمەت كورسەتىلەدى. وتەماقى تولەۋ 26  شىلدەگە دەيىن جالعاساتىن بولادى"،— دەپ حابارلايدى ۇلتتىق بانكتىڭ باسپا ءسوز قىزمەتى. 

سونداي اق سالىمشىلاردىڭ ارىزى 26 قاڭتارعا دەيىن قابىلدانبايدى. 26 شىلدەگە دەيىن ۇلگەرمەگەن سالىمشىلار اقشاسىن قازاقستاننىڭ دەپوزيتتەرگە كەپىلدىك بەرۋ قورىنان الا الادى. «ەۋرازيالىق بانك» اق  سالىمشىلاردىڭ اقشاسىن تەك تەڭگەمەن قايتارادى.

ەسكە سالساق، بيىلعى جىلدىڭ 9-قاڭتارىندا الماتىلىق سوت «استانا بانكىن» جويۋ تۋرالى شەشىمنىڭ ءوز كۇشىندە ەكەنىن مالىمدەدى.