قازاقستان رەسپۋبليكاسىنىڭ جوعارعى سوتى «ارقانكەرگەن» وقيعاسىنا قاتىستى ءىستى قايتا قاراۋ تۋرالى ءوتىنىشتى تالقىلايدى، دەپ حابارلايدى Qamshy.kz اقپارات اگەنتتىگى  Zakon.kz سايتىنا سىلتەمە جاساپ.

بۇعان دەيىن دە 2014 جىلدىڭ 4 اقپانىندا جوعارعى سوتتا قىلمىستىق ىستەر جونىندەگى قاداعالاۋشى سوت القاسىنىڭ چەلاحتىڭ وزىنە قاتىستى سوت اكتىلەرىن قايتا قاراۋدى سۇراعان ءوتىنىشىن تالقىلاۋ جونىندە وتىرىس بەلگىلەنگەن بولاتىن. ال، 2013 جىلدىڭ قىركۇيەگىندە جوعارعى سوتتىڭ قاداعالاۋشى القاسى چەلاح ىسىنە قاتىستى ۇكىمدى، اپەللياسيالىق جانە كاسساسيالىق ينستانسيالاردىڭ قاۋلىسىن وزگەرىسسىز قالدىرعان بولاتىن. 

ءومىر بويىنا باس بوستاندىعىنان ايىرۋ جازاسى تاعايىندالعان ۆلاديسلاۆ چەلاح قازاقستاننىڭ جوعارعى سوتىنا ادام قۇقىقتارى جونىندەگى بۇۇ كوميتەتىنىڭ كۇشىنە ەنگەن شەشىمىنەن كەيىن قايتا شاعىم تۇسىرگەن.

"وسىعان بايلانىستى جوعارعى سوت كوللەگياسى ونىڭ ءىسىن 2019 جىلدىڭ 22 قاڭتارىندا قايتا قاراپ شىقپاق" ، - دەپ حابارلادى ۆەدومستۆو وكىلدەرى. انىقتالعانداي، سوتتالعان ازامات سوت وتىرىسىندا بولمايدى. ونىڭ سەبەبى ازىرگە بەلگىسىز.

ەسكە سالا كەتەيىك، «ارقانكەرگەن» شەكارا بەكەتىندە جاپپاي كىسى ءولىمى 2012 جىلدىڭ 30 مامىرىندا بولدى. ورتەنگەن شەكارا تۇراعىنىڭ ورنىنان 14 شەكاراشى مەن ءبىر ورمانشىنىڭ ءمايىتى تابىلعان ەدى. ارادا ءبىرشاما ۋاقىت وتكەندە كۇدىكتى رەتىندە شەكاراشى سارباز ۆلاديسلاۆ چەلاح ۇستالدى. سول جىلدىڭ جەلتوقسان ايىندا سوت وعان قاتاڭ تارتىپتەگى كولونيادا ءومىر بويى وتىرۋ جازاسىن تاعايىندادى. قايعىلى وقيعا قۇرباندارىنىڭ تۋىستارى اۋەلى چەلاحتىڭ وتباسىنان شىعىن تالاپ ەتۋدى بەكىنگەنىمەن، كەيىن بۇل تالاپ ارىزدارىن قايتىپ الدى. قازاقستاندىقتار اراسىندا بۇل وقيعاعا قاتىستى تەرگەۋ ناتيجەلەرىنە كۇمانمەن قارايتىندار ءالى دە كوپ.