ەلىمىزدە العاش رەت “جاس قالامگەر” اتتى ستۋدەنتتەر اراسىنداعى بالالارعا ارنالعان اڭگىمە جازۋ سايىسى وتەدى.

 ءى.       جالپى ەرەجەلەر

1.     وسى ەرەجە قازاقستان رەسپۋبليكاسىندا العاش رەت ۇيىمداستىرىلىپ جاتقان “جاس قالامگەر” اتتى ستۋدەنتتەر اراسىنداعى بالالارعا ارنالعان اڭگىمە جازۋ سايىسىنىڭ ماقساتى مەن مىندەتتەرىن، ۇيىمداستىرۋ جانە وتكىزۋ ءتارتىبىن بەلگىلەيدى.
2.     “جاس قالامگەر” سايىسى “استانا كىتاپ” باسپاسىنىڭ ۇيىمداستىرۋىمەن 2019 جىلى قاڭتار ايىنىڭ 15ء-ى مەن اقپان ايىنىڭ 20-سى ارالىعىندا  وتكىزىلەدى.

ءىى.      “جاس قالامگەر” سايىسىنىڭ ماقساتى مەن مىندەتتەرى:

-         مەملەكەتتىك ءتىلدىڭ قولدانۋ اياسىن كەڭەيتۋ؛

-         بالالار ادەبيەتىنىڭ دامۋىنا ۇلەس قوسۋ؛

-         ستۋدەنتتەر اراسىنداعى جاس قالامگەرلەردىڭ شەبىرلىگى مەن شىعارماشىلىق قابىلەتىن شىڭداۋ؛

-         جاستاردىڭ قازاق حالقىنىڭ تىلىنە، ادەبيەتىنە، سالت-داستۇرىنە، تاريحى مەن مادەنيەتىنە دەگەن قىزىعۋشىلىعىن ارتتىرۋ.

ءىىى.     “جاس قالامگەر”  سايىسىن ۇيىمداستىرۋ جانە وتكىزۋ ءتارتىبى.

1.    “جاس قالامگەر” اتتى اڭگىمە جازۋ سايىسىنا ستۋدەنتتەر قاتىسا الادى.
2.    سايىسقا قاتىسۋشىلار تومەندەگى سىلتەمە بويىنشا تىركەلۋى كەرەك.

http://tiny.cc/zhasqalamger

2.1. جازىلعان اڭگىمەلەردى kazybekshukirbekuly@gmail.com وسى پوشتاعا جىبەرۋ كەرەك.

2.2. 3 ءبولىمدى دە ءبىر .docx-كە تەرىپ، جىبەرۋ كەرەك. جازىلۋ ءتارتىبى (شابلون) مەن بولىمدەردىڭ ەرەجەلەرى،تاقىرىپتار تومەندە كورسەتىلگەن.

3. “جاس قالامگەر” اتتى اڭگىمە جازۋ سايىسى 3 بولىمنەن تۇرادى.

قاتىسۋشى 3 ءبولىمنىڭ دە ەرەجەلەرىنە سايكەس اڭگىمە جازۋى ءتيىس. تالاپ تولىق ورىندالماعان جاعدايدا قاتىسۋشى سايىستان شىعارىلادى.

4. جازىلعان اڭگىمەلەردى “استانا كىتاپ” باسپاسى اۆتوردىڭ ءاتى-جونىن ساقتاي وتىرىپ، وڭدەۋدەن وتكىزىپ، قولدانۋ قۇقىعىنا يە بولادى.

“جاس قالامگەر” سايىسىنىڭ بولىمدەرى جانە ولارعا ءتيىستى تالاپتار.

        ءى ءبولىم

-        اڭگىمە بەرىلگەن تاقىرىپ بويىنشا جازىلادى.

-        اڭگىمە كولەمى 300-500 ءسوز ارالىعى بولۋى ءتيىس.

-        اڭگىمە جازۋ بارىسىندا تەك جاي سويلەمدەر عانا قولدانىلۋى قاجەت (ءبىرىڭعاي مۇشەلەردى قولدانۋعا بولادى).

-        اڭگىمە 1-3 سىنىپ وقۋشىلارىنىڭ دەڭگەيىنە سايكەس جازىلۋى كەرەك.

         ءىى ءبولىم

-        اڭگىمە بەرىلگەن تاقىرىپ بويىنشا جازىلادى.

-        اڭگىمە كولەمى 800-1500 ءسوز ارالىعى بولۋى ءتيىس.

-        اڭگىمە جاي سويلەمدەر مەن سالالاس قۇرمالاس سويلەمدەردى قولدانۋ ارقىلى جازىلۋى ءتيىس (ساباقتاس قۇرمالاس سويلەم مەن ارالاس قۇرمالاس سويلەم قولدانۋعا بولمايدى).

-        اڭگىمە 4-5 سىنىپ وقۋشىلارىنىڭ دەڭگەيىنە سايكەس جازىلۋى كەرەك.

          ءىىى ءبولىم

-        اڭگىمە بەرىلگەن تاقىرىپ بويىنشا جازىلادى.

-        اڭگىمە كولەمى 2000-2300 ءسوز ارالىعى بولۋى ءتيىس.

-        اڭگىمەدە جاي سويلەمدەردى، سالالاس قۇرمالاس جانە ساباقتاس قۇرمالاس سويلەمدەردى قولدانۋعا بولادى.

-        اڭگىمە 6-7 سىنىپ وقۋشىلارىنىڭ دەڭگەيىنە سايكەس جازىلۋى كەرەك.

تاقىرىپتار

•        ءوزىم تۋرالى
•        مەكتەپ
•        وتباسى
•        دوستىق
•        قورشاعان الەم
•        ساياحات
•        ءسالت-داستۇر
•        اۋىز ادەبيەتى
•        تاعام
•        دەنساۋلىق
•        تۋعان جەر
•        تابيعات
•        قۇندىلىقتار
•        ۋاقىت
•        ونەر
•        اتاقتى تۇلعالار
•        دەمالىس
•        مەرەكەلەر
•        مادەنيەت
•        ماماندىقتار
•        عارىش الەمى
•        بولاشاققا ساياحات

1. IV. “جاس قالامگەر” اتتى ستۋدەنتتەر اراسىنداعى بالالارعا ارنالعان اڭگىمە جازۋ سايىسىن قورىتىندىلاۋ جانە جەڭىمپازداردى ماراپاتتاۋ

1.      سايىسقا قاتىسقان ستۋدەنتتەر اراسىنان ۇزدىك جاس قالامگەرلەر ىرىكتەلەدى.
2. دارەجەلى ورىندار انىقتالادى.

                            ءى ورىن - بىرەۋ.

                            ءىى ورىن - بىرەۋ.

                            ءىىى ورىن - بىرەۋ.

3.      دارەجەلى ورىن العان جاس قالامگەرلەر باعالى سىيلىقتار مەن اقشالاي ماراپاتقا يە بولادى.
4.      جەڭىپ شىققان جاس قالامگەرلەر “استانا كىتاپ” باسپاسىنىڭ قازاق ءتىلى بولىمىنە جۇمىسقا شاقىرىلۋ مۇمكىندىگىنە يە بولادى.