17 قاڭتار كۇنى الماتى قالاسىندا ناۋرىزباي اۋدانىنداعى «الاتاۋ» ساناتورياسىنىڭ ايماعىنا تىكۇشاق قۇلادى. التى ادامعا ارنالعان تىكۇشاقتا جالعىز پيلوت قانا بولعان، اپاتتى جاعدايدان كەيىن ول اۋرۋحاناعا بارار جولدا قازا تاپتى. مارقۇم ۇشقىشتىڭ جاسى 50-دە ەكەن جانە ءومىرىنىڭ جارتىسىن ۇشقىش قىزمەتىنە ارناعان، دەپ حابارلايدى Qamshy.kz اقپارات اگەنتتىگى ەۋرازيا ءبىرىنشى ارناسىنىڭ مالىمەتىنە سۇيەنە وتىرىپ.

بەلگىلى بولعانىنداي، ۇشقىش جەكە تاپسىرىس بويىنشا ۇشىپ شىققان. اتالمىش وقيعاعا بايلانىستى تەرگەۋ ءىسى باستالدى. اپاتقا ۇشىراعان تىكۇشاق 2017 جىلى فرانسيا قالاسىندا قۇراستىرىلعان، بۇگىندە ول تىكۇشاقتىڭ ءبىر ساعاتى 590 مىڭ تەڭگە تۇرادى ەكەن.

“Sky Servise” كومپانياسى اتالمىش تىكۇشاققا ارنايى سەرتيفيكاتى بار تەحنيكيكالىق ورتالىق قىزمەت كورسەتىپ وتىرعانىن جانە ۇنەمى ۇشار الدىندا تەكسەرىستەن وتكىزىلەتىنىن ايتتى.

17 قاڭتار كۇنى كەشكىلىك الماتى قالاسىندا قويۋ تۇمان بولىپ، سونىڭ سالدارىنان بىرنەشە رەيس كەيىنگە شەگەرىلگەن بولاتىن. الايدا بۇل اپات اۋا رايىنا قاتىستى ما، الدە جوق پا،  ول جاعى ءالى بەلگىسىز.

قازا تاپقان ۇشقىش ۆالەنتين شيتوۆتى ارىپتەستەرى "ءوز ءىسىنىڭ مامانى ەدى" دەپ ەسكە الدى. ولاردىڭ ايتۋىنشا، ۇشقىش وتە كوڭىلدى، ءپوزيتيۆتى ادام بولعان. ۆالەنتين شيتوۆ ساراتوۆ قالاسىندا اسكەري-ۇشقىش ۋچيليششەسىن ءتامامداپ، ءوزىنىڭ ەڭبەك جولىن اتىراۋدا باستاعان، كەيىننەن شەكارا قىزمەتىنە اۋىسقان، بەس جىل بۇرىن مارقۇم ازاماتتىق اۆياسيا سالاسىنا كەلگەن.

«ءبىز جاقسى تانىس بولدىق، ءوزى دەنەلى، بويشاڭ بولاتىن. ۇنەمى كوڭىلدى بولىپ، كۇلىپ جۇرەتىن، مەيىرىمدىلىگىمەن ادامداردى وزىنە باۋراپ الاتىن قاسيەتى بولدى. ءقازىر ەندى مەن ءبىرتۇرلى جامان كۇيدە وتىرمىن...» - دەيدى مارقۇمنىڭ ارىپتەسى ستالبەك ءالىمقۇلوۆ.

«بۇل – وتە اۋىر قازا. ۆالەنتين ۇقىپتى، دوستارىمەن جانە ارىپتەستەرىمەن وتە جاقسى قارىم-قاتىناستا بولاتىن. ءبىز دوسىمىزدان ايىرىلدىق، ءبىز ءۇشىن ورنى تولماس قايڭى بولدى. بارلىق جاقىندارىنا، تۋعان-تۋىستارىنا قايعىرا كوڭىل ايتامىن»، - دەپ ايتىپ ءوتتى ارىپتەسى ۆالەريي سيەۆاستيانوۆ.

جەرگىلىكتى تۇرعىندار الەۋمەتتىك جەلىدە تىكۇشاقتىڭ داۋىسىن ەستىگەندەرىن جانە قويۋ تۇمان بولعاندىعىن ايتتى. سونىمەن قاتار، ولار مارقۇم ۆالەنتين شيتوۆتى تىكۇشاقتى ادامى جوق  ءقاۋىپسىز جەرگە قاراي بۇرىپ، سۇمدىق اپاتتان قۇتقارىپ قالعان باتىر" دەپ اتادى.