بۇكىل جۇرتشىلىقتىڭ قابىرعاسىن قايىستىرعان تاعى ءبىر قايعىلى جاعداي - ەلىمىزگە بەلگىلى زاڭگەر ابزال قۇسپاننىڭ 5 جاسار قىزى كوز جۇمدى. ءبۇلدىرشىن وسى ۋاقىتقا دەيىن ىستامبۇل قالاسىندا ەمدەلىپ، بىرنەشە كۇن بۇرىن وعان وتا جاسالعانى بەلگىلى. بارشا قازاق ەلەڭدەپ، جاقسى حابار كۇتكەن ەدى، امال نەشىك... قازالى جاعدايعا بايلانىستى دۇنيە ءجۇزى قازاقتارىنىڭ قاۋىمداستىعى ابزال قۇسپانعا قايعىرا كوڭىل ايتادى.

"بەلگىلى زاڭگەر، ەلىمىزدە قۇقىقتىق قوعام قۇرۋىمىزعا ۇلكەن ۇلەس قوسىپ جۇرگەن قوعام قايراتكەرى، جەر تۋرالى زاڭ جوباسىنىڭ كەمەلدەنۋىنە، وزگە دە كوپتەگەن وزەكتى ماسەلەلەردىڭ وڭتايلى شەشىم تابۋىنا، اسىرەسە قانداستارىمىزدىڭ زاڭدىق، قۇجاتتىق، الەۋمەتتىك ماسەلەسىندە ايانباي اتسالىسىپ كەلە جاتقان ۇلت جاناشىرى ابزال قۇسپاننىڭ قىزى ايعانىمنىڭ مەزگىلسىز ومىردەن وتۋىنە بايلانىستى قايعىرىپ كوڭىل ايتامىز. حالقىمىزدىڭ، "اتام-ايلاتىپ جىلاتسا دا، بوتام-ايلاتىپ جىلاتپاسىن" دەگەن اتالى ءسوزى بار. تاعدىردىڭ سالعان سالماعىن قايىسپاي كوتەرەتىنىڭە سەنەمىز. ارينە، تاس تۇسكەن جەرىنە اۋىر، مەزگىلسىز ۇشقان پەرىشتەڭ شاپاعاتشىڭ بولسىن، جاراتۋشى يەمىز بەرگەنىن السا دا، بەرەرىن الماسىن، بەكەم بول، ابزال تەمىرعالي ۇلى" - دەلىنگەن حابارلامادا.