لەونيد يليچ برەجنيەۆ – كوكپ وك ءبىرىنشى حاتشىسى جانە سسرو جوعارعى كەڭەسى پرەزيديۋمىنىڭ ءتوراعاسى قىزمەتىن اتقارعان، ءتورت مارتە كەڭەس وداعىنىڭ باتىرى اتاعىن الىپ، سوسياليستىك ەڭبەك ەرى بولعان ساياسي قايراتكەر. سونداي-اق، برەجنيەۆ بىرنەشە كىتاپ جازعان («كىشى جەر»، «جاڭعىرۋ»، «تىڭ»). الايدا ءوزىنىڭ كىتابىن جازۋعا ونىڭ مۇلدەم قاتىسى بولماعان. شىعارمالاردىڭ رەسمي تۇردەگى اۆتورى برەجنيەۆ دەلىنگەنىمەن، كىتاپ باسقا ادامنىڭ قالامىنان تۋعان. Qamshy.kz اقپارات اگەنتتىگى ءبىرىنشى حاتشىعا كىتاپ جازىپ بەرگەندەردىڭ كىم ەكەندىگى جايلى زەرتتەۋشىلەر كەلتىرگەن فاكتىلەردى وقىرمان نازارىنا ۇسىنادى.
كەيىنىرەك بۇل كىتاپتار ميلليونداعان دانامەن تارالىپ، قالاماقىسى 180 مىڭ سومدى قۇراعان. باس حاتشىنىڭ كىتاپتارى مەكتەپ جانە جوعارى وقۋ ورىندارىنىڭ باعدارلاماسىنا ەنگىزىلىپ، “برەجنيەۆ وقۋلارى» اتتى بايقاۋ دا وتكەن. كىتاپتار ەڭبەك ۇجىمدارىندا دا قىزۋ تالقىلانعان. برەجنيەۆتىڭ مەمۋارلارىن حالىق ءارتىسى ۆياچەسلاۆ تيحونوۆ راديودان تۇراقتى تۇردە وقىعانىن اعا بۋىن ءالى ۇمىتا قويعان جوق. ال شىن مانىندە باس حاتشىعا كىتاپ جازىپ بەرگەن كىم؟
ولار - گازەت جۋرناليستەرى
لەونيد برەجنيەۆتىڭ ەل باسقارا ءجۇرىپ، كىتاپ جازۋعا ۋاقىتى بولماعانى تۇسىنىكتى. دەگەنمەن، ونىڭ اتاق-داڭقتى، وردەندەر مەن قۇرمەتتى اسا قاتتى جاقسى كورەتىنىن كوپشىلىك بىلەدى. وزىنە دەيىنگى لەنين مەن ءستاليننىڭ ونداعان تومدىق كىتاپتارى بولعانىن ەسكەرسەك، قۇرمەتكە بولەنگەندى جاقسى كورەتىن برەجنيەۆ كەڭەستىك مەيرامداعى قۇتتىقتاۋعا تولى 4 تومدىقپەن شەكتەلىپ قالعىسى كەلمەگەنى تۇسىنىكتى. دەمەك برەجنيەۆتىڭ تۋىندىلارىن كىم جازعان؟ ونىڭ اۆتورىن انىقتاۋ ءۇشىن رەسەيلىك عالىمدار كوپ زەرتتەۋ جۇرگىزگەن. الايدا، نەگىزگى اۆتورى ءالى كۇنگە دەيىن انىقتالماعان. زەرتتەۋشىلەردىڭ بولجامى بويىنشا، كىتاپتى جازۋشىلار ەمەس، گازەت جۋرناليستەرى جازعان بولۋى مۇمكىن. سەبەبى، شىعارما تاريحي سيپاتتا ەمەس، لەونيد برەجنيەۆتىڭ سوعىستاعى ەرلىگى تۋرالى بولعان. ال اۆتورلارعا تولەنگەن قالاماقى قانشا؟ ول - جاعى ءالى قۇپيا.
دەگەنمەن، دەرەكتەر لەونيد برەجنيەۆتىڭ اسكەري ەرلىگىن جوققا شىعارمايدى
ول راسىمەن دە سوعىسقا قاتىستى، ۋكراينانى ازات ەتۋدەگى ەرلىگى ءۇشىن وعان گەنەرال شەنى بەرىلدى. ءتىپتى سنارياد تاستالعان كەزدە كەمە بورتىندا بولعان برەجنيەۆ اۋىر جارالانعان، بولاشاق ءبىرىنشى حاتشىنى ساربازدارى قۇتقارىپ قالعان. كەيىن سوعىستا ەرلىك تانىتقان وفيسەر لەونيد ماسكەۋدەگى جەڭىس سالتاناتىنا دا ابىرويمەن قاتىسقان. مۇنىڭ بارلىعى تاريحي شىندىق. اقيقاتى، مۇمكىن ءبىرىنشى حاتشىنىڭ ادەبيەتكە يكەمى بولماعان شىعار. نەگىزى تانىمال تۇلعالاردىڭ كىتاپتارىن باسقا ادامدار جازاتىنى ول جاسىرىن نارسە ەمەس قوي...
پىكىر قالدىرۋ