راسىندا دا سولاي شىعار. مىسالى، قازاقتىڭ ەتى، وزبەكتىڭ پالاۋى تۋرالى ءسوز ەتكەندە، ەڭ الدىمەن جۇرتشىلىقتىڭ  كوز الدىنا سول ەلدىڭ ۇلتتىق تاعامى كەلەتىنى ءسوزسىز.

جاقىندا الەمنىڭ مادەني –گاسترونوميالىق حالىقارالىق قاۋىمداستىعى 33 ەلدىڭ تۋريستەرىنەن سۇراۋ سالىپ، «ءار ۇلتتىڭ نەگىزگى تاعامى نە؟» دەگەن ساۋالعا جاۋاپ بەرۋىن وتىنگەن. ساۋالناما قورىتىندىسى قانداي دەيسىز عوي؟

زەرتتەۋ قورىتىندىسى كورسەتكەندەي، ساۋالعا جاۋاپ بەرگەندەردىڭ باسىم كوپشىلىگى، ياعني 90 پايىزعا جۋىعى ورىستاردىڭ نەگىزگى ۇلتتىق تاعامى اراق، بورشش جانە قارا ۋىلدىرىق دەپ اتاپ كورسەتكەن.

بۇعان نامىستانعان ورىستىڭ ءبىرقاتار ۇيىمدارى ءقازىر وسى زەرتتەۋگە نارازىلىعىن بىلدىرۋدە. ولار «ورىس اسحاناسى وتە باي، قۋ اراقتىڭ بۇل جەرگە قاتىسى قانشا؟ تۋريستەردىڭ جاۋابى بۇرمالانىپ كورسەتىلگەن» دەپ رەنىشىن ءبىلدىرىپ جاتقانعا ۇقسايدى.  

ورىستاردىڭ بۇل قارسىلىعىنا  الەمنىڭ مادەني –گاسترونوميالىق حالىقارالىق قاۋىمداستىعىنىڭ ماماندارى «الداعى ۋاقىتتا ورىس اسحاناسى مەن ۇلتتىق تاعامىنا جانە  داستارحان مازىرىنە قاتىستى كەڭىرەك ساۋالناما جۇرگىزەمىز» دەپ ۋادە بەرگەن كورىنەدى.