قازاقستاندا 22-24 قاڭتار ارالىعىندا قار جاۋىپ، بۇرقاسىن بولادى جانە كۇشتى جەل سوعادى دەپ حابارلايدى Qamshy.kz اقپارات اگەنتتىگى قازگيدرومەتتىڭ دەرەگىن نەگىزگە الىپ.
سينوپتيكتەردىڭ اقپاراتىنا سايكەس، اتموسفەرالىق اۋا اعىندارى قازاقستان ارقىلى باتىس جانە وڭتۇستىك-باتىس تروپوسفەرالىق اۋا اعىندارىمەن بىرگە بىرىنەن كەيىن ءبىرى وتەدى. وسىعان بايلانىستى قار جاۋىپ، وڭتۇستىكتە قار ارالاس جاڭبىر، سولتۇستىكتە بۇرقاسىن بولادى جانە قاتتى جەل سوعادى.
«الداعى ءۇش تاۋلىكتە رەسپۋبليكادا اۋا رايىمەن بايلانىستى جاعداي ايتارلىقتاي وزگەرمەيدى، ال باتىس جانە وڭتۇستىك-باتىس تروپوسفەرالىق اۋا اعىندارى بۇرىنعىشا اۋا تەمپەراتۋراسىن كليماتتىق نورمادان جوعارى ۇستاپ تۇرادى»، — دەپ حابارلادى قازگيدرومەت.
