ينسپەكتوردى ءولتىردى دەگەن كۇدىكتىلەر قىزىلوردادا ۇستالدى. بۇل تۋرالى Qamshy.kz اقپارات اگەنتتىگى Tengrinews.kz تىلشىسىنە سىلتەمە جاساپ حابارلايدى.

"بۇگىن ءىىم قىزىلوردا وبلىستىق كريمينالدىق پوليسيا دەپارتامەنتىنىڭ قىزمەتكەرلەرى جەكە ۇيدە ارنايى وپەراسيا جۇرگىزۋ ناتيجەسىندە وحوتزووپروم"ءوب" رەسپۋبليكالىق مەملەكەتتiك قازىنالىق كاسىپورنىنىڭ ينسپەكتورى نۇرعالييەۆ ەرلان بالعابەكۇلىن ءولتىردى دەگەن كۇدىكتىلەردى ۇستادى. 13 قاڭتاردا قاراعاندى وبلىسى نۇرا اۋدانى اۋماعىندا قىزمەتتىك بابىندا رەيد شارالارى بارىسىندا وعان براكونەرلەرلەر شابۋىل جاساعان"، - دەدى ءىىم ىشكى جانە سىرتقى كوممۋنيكاسيالار دەپارتامەنتىنىڭ ديرەكتورى الماس سادۋبايەۆ.

ايعاقتاردى جيناۋ جانە بەكىتۋ ماقساتىندا تەرگەۋ شارالارى ءجۇرىپ جاتىر. ءۇش كۇدىكتى ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ شارالارى جالعاسادى.  وسىعان دەيىن، "وحوتزووپروم"ءوب" رەسپۋبليكالىق مەملەكەتتiك قازىنالىق كاسىپورنىنىڭ براكونەرلەر شابۋىلىنان زارداپ شەككەن ينسپەكتورى وقيعا جايلى ايتىپ بەردى. 

♦ەرلان نۇرعالييەۆ "ەرلىگى ءۇشىن" مەدالىنە  ۇسىنىلدى

وحوتزووپروم "ءوب" رەسپۋبليكالىق مەملەكەتتiك قازىنالىق كاسىپورنى ينسپەكتورلارى پەتر نيسىك پەن ەرلان نۇرعالييەۆ 2019 جىلى 13 قاڭتاردا شامامەن 18:00-دە قاراعاندى وبلىسى نۇرا اۋدانىنا رەيدكە شىققان. وندا ولار بەس ءولى كيىكتى تاپقان. سونىمەن قاتار، ولار مەملەكەتتىك تىركەۋ ءنومىرى جوق Toyota Land Cruiser ماركالى ەكى اۆتوكولىكتى بايقاپ، بىرەۋىن توقتاتۋ مۇمكىن بولعان. 

♦"ەرلان نۇرعالييەۆتى قايتىس بولعان سوڭ تانىپ جاتىرمىز، سەبەبى ول..."