بۇگىن زيمبابۆە پرەزيدەنتى ەممەرسون منانگاگۆا قازاقستانعا كەلدى. ەلباسى نۇرسۇلتان نازاربايەۆ پرەزيدەنت منانگاگۆانى قارسى الىپ، كەلىسسوز بارىسىندا كەلەلى اڭگىمە قۇردى دەپ حابارلايدى Qamshy.kz اقپارات اگەنتتىگى. 

اقورداداعى كەزدەسۋدە ەكى ەلدىڭ ىنتىماقتاستىعى كەلەسى باعىتتار بويىنشا تالقىلاندى: ءوندىرىس، تىڭايتقىشتار مەن مۇناي حيمياسى، ءبىلىم بەرۋ جانە وقىتۋ.

ناقتىراق ايتساق، افريكاداعى مەملەكەت سيترۋس جەمىستەرىن، كوفە، شاي جانە تەمەكى ونىمدەرىن قازاقستانعا ەكسپورتتاماق. 
ال قازاقستان زيمبابۆەلىك ستۋدەنتتەر ءۇشىن مەديسينا، ماشينا جاساۋ جانە اۋىل شارۋاشىلىعى سالاسىندا ستيپەنديا ۇسىنۋعا نيەتتى.

ەستەرىڭىزدە بولسا، زيمبابۆەنى 1980 جىلدان بەرى باسقارىپ كەلگەن روبەرت گابريەل مۋگابە ەل ەكونوميكاسىن ابدەن قۇلدىراتىپ،  افريكا قۇرلىعىندا ەڭ كەدەي مەملەكەتتەر قاتارىندا قالدىرعانى بەلگىلى. 2017 جىلى 93 جاستاعى مۋگابە تاقتان تايعاننان كەيىن جاڭادان سايلانعان پرەزيدەنت منانگاگۆا باتىس الەمىمەن جانە حالىقارالىق قارجى ينستيتۋتتارىمەن بايلانىستى نىعايتۋعا جانە قارىم-قاتىناستى قالپىنا كەلتىرۋگە بارىنشا كۇش سالدى.

كەزدەسۋ بارىسىندا زيمبابۆە پرەزيدەنتى ءوز ەلىنىڭ قازىرگى اxۋالىن 20 جىل بۇرىنعى قازاقستانعا تەڭەدى. سونىمەن قاتار، ول قازاقستاننىڭ ەكونوميكالىق رەفورماسىنان ساباق الىپ، تاجىريبەسىمەن بولىسكىسى كەلەتىنىن اعىنان جارىلا ايتتى. ەلباسى نۇرسۇلتان نازاربايەۆ زيمبابۆە پرەزيدەنتىنە بارىنشا قولداۋ كورسەتەتىنىن جەتكىزىپ، ىنتىماقتاستىق پەن سەنىم  ءۇشىن العىسىن ءبىلدىردى.  مۇنان كەيىن منانگاگۆا  ەۋروپانىڭ ءتورت ەلىنە ساپارىن جالعاستىرماق.

ارگەنتينا ايبولات قىزى