شىعىس مەديسيناسى بويىنشا ادامنىڭ قۇلاعىنىڭ فورماسىنا، كولەمىنە جانە قالاي ورنالاسقانىنا قاراپ ونىڭ مىنەزىنىڭ ەرەكشەلىگىن، ەرىك كۇشىن، بەلسەندىلىگىن، سونداي-اق دەنساۋلىعىن دا بىلۋگە بولادى. سوندىقتان پسيحولوگ، پسيحياتر مەن كريميناليست بولماساڭىز دا، مۇنى بىلە جۇرگەننىڭ زيانى جوق.

 ەگەر قۇلاعى  قاسىنان جوعارى ورنالاسسا، وندا ول ادام وتە جوعارى ينتەللەكت يەسى بولعانى.  ال قۇلاعى قاسىمەن ءبىر دەڭگەيدە ورنالاسسا – ول ادام ليدەر بولۋعا ۇمتىلادى جانە ءوز بەتىنشە كەسىپ-پىشە الادى دەگەن ءسوز. مۇنداي ادامدار وپتيميست بولىپ كەلەدى جانە كوزدەگەن ماقساتىنا كۇش سالۋىمەن ەرەكشەلەنەدى.

ال ەندى قۇلاعى قاسىنان تومەن، كوزىمەن ءبىر دەڭگەيدە ورنالاسسا، وندا ول ورتاشا ينتەللەكتىنىڭ ادامى. قۇلاعى كوزىنەن تومەن ورنالاسسا، وندا ول دارىنسىزدىقتىڭ، اقىل-ويدىڭ كەمدىگىنىڭ  بەلگىسى.

ءبىر قۇلاعى ەكىنشىسىنەن بيىك ورنالاسسا – ونداي اداممەن باستەسىپ اۋرە بولماڭىز. سەبەبى، وندايلار لوگيكاعا باعىنبايدى، جەڭىلگەنىن مويىندامايدى.

قۇلاعى تىم كىشكەنتاي (6 سم-گە دەيىن) ادامدار – جەڭىل، ءۇستىرت ويلايتىندار. رومانتيك كەيىپتەگى مۇنداي ادامدار كەز كەلگەن كىسىنىڭ ۋادەسىنە، انتى مەن سەرتىنە قۇلاي سەنگىش بولىپ كەلەدى. دەنساۋلىعى پالەندەي مىقتى بولمايدى.

قۇلاعى ورتاشا ادامدار كەرتارتپا، ەسكىشىل بولىپ كەلەدى. ەسەسىنە وتباسى مەن قىزمەتتى شەبەر ۇيلەستىرە بىلەدى.

قۇلاقتىڭ ۇلكەن (7 سم-دەن ۇلكەن) بولىپ كەلۋى وزىنە دەگەن سەنىمدىلىكتى، پىسىقتىقتى، ەتى تىرىلىكتى بىلدىرەدى. ءارى مىقتى دەنساۋلىقتىڭ بەلگىسى.

ۇلكەن قالقان قۇلاق كوبىنەسە وتە تالانتتى مۋزىكانتتارعا ءتان. ماسەلەن، بۇعان نۇرعيسا تىلەندييەۆ پەن ءشامشى قالداياقوۆتىڭ قۇلاعىن جاتقىزۋعا بولادى.

ەگەر سول قۇلاعى وڭ قۇلاعىنان ۇلكەن بولسا، وندا ونىڭ يەسى ناقتى عىلىمداردا ۇلكەن تابىسقا جەتەدى، ال وڭ قۇلاعى ۇلكەندەر – تۋمىسىنان گۋمانيست ادامدار.

قۇلاقتىڭ سىرعالىعىنىڭ كولەمىنە قاراپ جىنىستىق بەلسەندىلىكتى دە انىقتاۋعا بولادى.

قۇلاق سىرعالىعى ۇلكەن ادامدار توسەك قاتىناسىنا ءجيى بارۋدى سۇيەتىندەر. ال قۇلاق سىرعالىعى مينياتيۋرالىق كەيىپتەگىلەر توسەكتىڭ جيىلىگىنەن گورى ونىڭ سان قىرلى بولعانىن قالايتىندار.

قۇلاق سىرعالىعى ورتاشالار توسەك قاتىناسىنىڭ سانى مەن ساپاسىن ۇيلەستىرە بىلەتىندەردىڭ قاتارىنا جاتادى.

سوزىلىڭقى قۇلاق يەسى – ادەپتىلىك پەن بيازىلىققا جاقىن، اسەرلەنگىش ادام.

كەڭ قۇلاقتىلار – رەاليست، دۇرىس، تۋرا ويلايتىندار.

ۇشتالعان ءسۇيىر قۇلاق يەلەرى – قۋ، جىلپوس، ايلاكەر ادامدار.

قۇلاعى جوعارى قاراي سۇيىرلەنىپ، جىمقىرىلا بىتكەن ادامدار وتە قاتىگەز بولىپ كەلەدى.

قۇلاعىنىڭ ۇستىڭگى جاعى تومپاق، شوشاق، كەرتەش بولسا، ادامدارمەن قارىم-قاتىناستا اباي بولىڭىز! ءسىزدىڭ مىسقىلىڭىز كەز كەلگەن ادامدى وڭباي جارالاۋى مۇمكىن.

قۇلاعىن قالىڭ ءجۇن باسقان ادامدار كىسىنى دۇرىستاپ تاني المايدى، ەسەسىنە ولاردىڭ تەمپەرامەنتى تۋرالى اڭىزعا بەرگىسىز اڭگىمە بار.

 ءىرى قۇلاق جانە جۋان قۇلاق تەرىسى يەسىنىڭ دەنساۋلىعىنىڭ مىقتى ەكەنىن جانە ۇزاق ءومىر سۇرەتىنىن، سونىمەن بىرگە ونەرگە قىزىقپايتىندىعىن ايعاقتايدى.

قۇلاعى تەز ىسىپ، تەز قىزارىپ شىعا كەلەتىن (ءتىپتى بۇل بەلگى كۇتپەگەن جەردەن جانە ءسال ۋاقىتقا بولسا دا) ادامدار جىلدام رەاكسيالى، اگرەسسياعا جاقىن، گيپەرتونيا مەن جۇيكە توزۋىنا بەيىم بولىپ كەلەدى. كەرىسىنشە قۇلاقتىڭ سالقىن جانە بوزاڭدانىپ تۇرۋى دا جۇيكە جۇيەسىنىڭ السىرەگەنىن بىلدىرەدى.

قۇلاعىنىڭ ىسۋى مەن قىزارۋى تومەن ادام سىلبىر، سامارقاۋ، بوس بولىپ كەلەدى.

قۇلاقتىڭ جالپى قىزارىپ، كوگەرىپ، قارا قوشقىلدانىپ تۇرۋى باۋىر مەن اسقازان، جۇرەك، ىشەك اۋرۋىن بىلدىرەدى.

قۇلاق تەرىسىنىڭ تىم جۇقارىپ جارقىراپ تۇرۋى – دەنە كۇشىنىڭ السىرەپ، ازعاندىقتىڭ، جاداپ-جۇدەگەندىكتىڭ بەلگىسى.

قۇلاق تۇبىندە، اسىرەسە الدىندا ءاجىمنىڭ كوپ بولۋى جالپى ورگانيزمنىڭ السىرەگەنىن بىلدىرەدى.

قۇلاق اينالاسىنداعى قوڭىر، قىزىلقوشقىل داقتار توق ىشەك پەن اش ىشەكتىڭ اۋىراتىنىن، ورنانيزمدە مينەرالدى زاتتاردىڭ جەتىسپەيتىنىن كورسەتەدى.

قۇلاق سىرعالىعىنىڭ جوققا ءتان نەمەسە وتە كىشكەنتاي بولۋى – ويلاي ءبىلۋ قابىلەتىنىڭ تومەندىگىن بىلدىرەدى.

قۇلاق سىرعالىعىنىڭ ءتورتبۇرىشتى بولىپ كەلۋى – فيزيكالىق وراسان قارا كۇشتى، اگرەسسياعا تىم بەيىمدىلىكتى تانىتادى.

سىرعالىقتىڭ ۇلكەن سوزىلىڭقى جانە ءسۇيىر بولىپ كەلۋى – ءىرى ويشىلدىقتىڭ، ەڭبەكسۇيگىشتىكتىڭ، ىشكى كۇشتىڭ مول ەكەندىگىنىڭ بەلگىسى.

سىرعالىقتىڭ جاستىق سىندى مامىق ءارى جۋان بولىپ كەلۋى – سەمىزدىككە بەيىمدىلىك پەن وي بەلسەندىلىگىڭىڭ تومەندەگەنىن بىلدىرەدى.

قۇلاق سىرعالىعى رابايسىز ۇلكەن ءارى ۇيلەسىمسىز فورمادا بولسا، ونداي ادام گەنەتيكالىق جاعىنان ونكولوگيالىق اۋرۋلارعا بەيىم بولعانى.

قۇلاق سىرعالىعىنىڭ بۇرمەلەنىپ، قىرتىستانىپ، قاتپارلانىپ تۇرۋى اتەروسكلەروز، ينسۋلت پەن ينفاركتكە ۇشىراۋ مۇمكىندىگىنىڭ، ديابەت اۋرۋىنىڭ بەلگىسى.