«كونكۋرستىق كوميسسيانىڭ شەشىمىنە سايكەس ورال قالاسى اكىمىنىڭ ورىنباسارى لاۋازىمىنا نارىمبەتوۆ باقىتجان حابەر ۇلى تاعايىندالدى» دەپ حابارلايدى Qamshy.kz اقپارات اگەنتتىگى ورال قالاسى اكىمىنىڭ باسپا ءسوز قىزمەتىنىڭ دەرەگىن نەگىزگە الىپ.

باقىتجان نارىمبەتوۆ 1986 جىلى ورال قالاسىندا دۇنيەگە كەلگەن. ءبىلىمى - جوعارى. 2007 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلوسوفيا جانە ساياساتتانۋ فاكۋلتەتىنىڭ تۇلەگى. 2012 جىلى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ مەملەكەتتىك ساياسات ۇلتتىق مەكتەبىندە ءبىلىم العان. الەۋمەتتانۋ عىلىمدارىنىڭ ماگيسترى.

ەڭبەك جولىن 2007 جىلى ۇكىمەتتىك ەمەس ۇيىمداردا باستاعان.

2013-2014 جىلدارى – ورال قالاسى اكىمى اپپاراتىنىڭ باس ينسپەكتورى؛ ورال قالاسى اكىمى اپپاراتىنىڭ اقپاراتتىق-تالداۋ جۇمىستارى جانە حالىقارالىق ىنتىماقتاستىق ءبولىم باسشىسى؛

2014-2016 جىلدار ارالىعىندا ورال قالاسىنىڭ ىشكى ساياسات ءبولىمىنىڭ باسشىسى؛ كەيىن باتىس قازاقستان وبلىسى اكىمى اپپاراتىنىڭ ستراتەگيالىق دامۋ ءبولىمىنىڭ باس ينسپەكتورى، وبلىسى اكىمى اپپاراتىنىڭ ستراتەگيالىق دامۋ ءبولىمىنىڭ باسشىسى؛

2017-2018 جىلدارى باتىس قازاقستان وبلىسى ىشكى ساياسات باسقارماسىنىڭ باسشىسى؛ ال 2018 جىلدىڭ ناۋرىزىنان بۇگىنگە دەيىن قوعامدىق دامۋ مينيسترلىگى ازاماتتىق قوعام ىستەرى كوميتەتى ءتوراعاسىنىڭ ورىنباسارى قىزمەتىن اتقاردى.