ەلباسى ن. ءا. نازاربايەۆتىڭ جولداۋىندا قازاقستان حالقىنا ءبىرىنشى كەزەكتەگى مىندەت - ۇلتتىڭ باسەكەگە قابىلەتتىلىك فاكتورى رەتىندە ءبىلىم دەڭگەيىن ارتتىرۋ بولىپ تابىلادى. سوندىقتان، بۇگىنگى تاڭدا قازىرگى زامانعى تالاپتارعا جانە الەمدىك ستاندارتتارعا سايكەس كەلەتىن ۇلتتىق ءبىلىم بەرۋ جۇيەسىن قۇرۋدىڭ ماڭىزدى پروبلەماسى قويىلىپ وتىر.

قازىرگى دەنساۋلىق ساقتاۋ جۇيەسىندە مەيىرگەر ءىسى ماماندارى دەنساۋلىق ساقتاۋ قىزمەتتەرىندە قوعامدى قاناعاتتاندىرۋ ءۇشىن ماڭىزدى كادرلىق رەسۋرستارى مەن ناقتى مۇمكىندىكتەرى بار ماڭىزدى قۇرامداس بولىگى بولىپ قالادى.

قازاقستان رەسپۋبليكسى دەنساۋلىق ساقتاۋ سالاسىن دامىتۋدىڭ 2016-2019 جىلدارعا ارنالعان "دەنساۋلىق" مەملەكەتتىك باعدارلاماسىنا سايكەس، سونداي-اق 2019 جىلعا دەيىن قر-دا مەيىرگەر ءىسىن دامىتۋدىڭ كەشەندى جوسپارىن ىسكە اسىرۋ شەڭبەرىندە مەيىرگەر ءىسى ماماندارىن دايارلاۋدى جەتىلدىرۋ، مەيىرگەرلەردىڭ ءرولىن كۇشەيتۋ، ولارعا ءبىرقاتار وكىلەتتىكتەر بەرۋ، حالىقارالىق ستاندارتتارعا باعىتتالعان مەيىرگەرلىك قىزمەتتەگى مامانداردى دايارلاۋعا قويىلاتىن تالاپتاردى ارتتىرۋ بويىنشا شارالار كەشەنىن وتكىزۋ كوزدەلگەن.

2019 جىلعى 25 قاڭتاردا "مەديسينا، فارماسيەۆتيكا" بەيىنى بويىنشا وقۋ - ادىستەمەلىك بىرلەستىگىنىڭ "تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋدى جەتىلدىرۋدىڭ جاڭا تاسىلدەرى" ماسەلەسى بويىنشا وتىرىسى وتكىزىلەدى.

وقۋ-ادىستەمەلىك بىرلەستىكتىڭ وتىرىسىندا ورتا مەديسينالىق جانە فارماسيەۆتيكالىق ءبىلىم بەرۋدى دامىتۋ بولاشاعى، 2019-2024 جىلدارعا ارنالعان قازاقستان رەسپۋبليكاسىنىڭ دەنساۋلىق ساقتاۋ سالاسىنداعى ادامي كاپيتالدى دامىتۋ كونسەپسياسى جوباسى، "تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋدى جاڭعىرتۋ" جوباسىن جۇزەگە اسىرۋ جول كارتاسى جونىندە تالقىلاۋ جانە پىكىر الماسۋ جوسپارلانۋدا. مودۋلدىك - قۇزىرەتتىلىك ءتاسىل نەگىزىندە تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ بويىنشا وقۋ جوسپارلارى مەن باعدارلامالارىن ازىرلەۋگە جاڭا تاسىلدەردى قالىپتاستىرۋ، وقىتۋدىڭ كرەديتتىك تەحنولوگياسىن ەنگىزۋ جانە "World skills" حالىقارالىق چەمپيوناتى تۋرالى.

وقۋ - ادىستەمەلىك بىرلەستىك وتىرىسىنىڭ جۇمىسىنا ق ر دەنساۋلىق ساقتاۋ ءمينيسترى م.ع. د.، پروفەسسور ءبىرتانوۆ ەلجان امانتاي ۇلى، ق ر دەنساۋلىق ساقتاۋ ءمينيسترىنىڭ كەڭەسشىسى، م. ع. ك.، سىدىكوۆا ساۋلە ءىلياس قىزى، ق ر دسم دەنساۋلىق ساقتاۋدى دامىتۋ رەسپۋبليكالىق ورتالىعىنىڭ مەديسينالىق ءبىلىم بەرۋدى دامىتۋ ءبولىمىنىڭ باسشىسى، م. ع. ك.، بايعوجينا زاۋرە الپانوۆنا، "كاسىپقور" حولدينگى ۇەاق، پ. ع. ك.، دالابايەۆ جانات قۋانىش ۇلى، الماتى قالاسىنىڭ مەيىرگەرلەر قاۋىمداستىعىنىڭ وكىلدەرى، قازاقستاننىڭ 70  مەديسينالىق كوللەدجدەرىنىڭ ديرەكتورلارى قاتىستى.

مينيستر ءوز سوزىندە قازاقستان ءۇشىن بمسك جەتىلدىرۋ دەنساۋلىق ساقتاۋدى دامىتۋ مەن رەفورمالاۋداعى باستى باعىتتاردىڭ ءبىرى بولىپ تابىلاتىنىن جانە ول ءوز كەزەگىندە تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋدى جاڭعىرتۋعا قويىلاتىن جاڭا تالاپتاردى ايقىندايدى. دەنساۋلىق ساقتاۋ جۇيەسىن جاڭعىرتۋ پوق جانە كلينيكالىق بازالاردىڭ مەديسينالىق كادرلارىنىڭ كاسىبي دەڭگەيىنە، سونداي-اق ءبىلىم بەرۋ ۇيىمدارىنىڭ پراكتيكالىق بازالارمەن ءوزارا قاتىناستارىنا بايلانىستى مەيىرگەرلەر قىزمەتكەرلەرىن دايارلاۋدىڭ جاڭا تاسىلدەرىن تالاپ ەتەدى.

وقۋ - ادىستەمەلىك بىرلەستىك وتىرىسىنىڭ قورىتىندىسى بويىنشا حالىقارالىق دەڭگەيگە باعىتتالعان قازاقستان رەسپۋبليكاسىندا مەيىرگەرلىك قىزمەتتى ودان ءارى دامىتۋعا باعىتتالعان حاتتامالىق شەشىم دايىندالادى.

2019 جىلى 26 قاڭتاردا "قازاقستاننىڭ مەديسينالىق كوللەدجدەرى وداعى" زتب مەن ءبىلىم بەرۋ جانە دەنساۋلىق ساقتاۋ ساپاسىن قامتاماسىز ەتۋ جانە اككرەديتتەۋ ورتالىعى ىنتىماقتاستىعى تۋرالى مەموراندۋمدى ىسكە اسىرۋ شەڭبەرىندە مەيىرگەرلىك ءبىلىم بەرۋدى اككرەديتتەۋ بويىنشا ساراپشىلاردى وقىتۋ سەمينارى وتكىزىلەدى، وعان قازاقستاننىڭ مەملەكەتتىك جانە مەملەكەتتىك ەمەس مەديسينالىق كوللەدجدەرىنىڭ ديرەكتورلارى قاتىسادى.