وسىدان ءبىر ايداي بۇرىن تۇرمەدەن شىققانىن حابارلاعان ايسۇلتان نازاربايەۆ ەلگە ورالعاننان كەيىنگى قيىندىقتارى جايلى Facebook-تەگى پاراقشاسىنا كەزەكتى جازبا جاريالادى. ورىس تىلىندە جازىلعان جازباسىن Qamshy.kz اقپارات اگەنتتىگى قازاق تىلىنە اۋدارىپ، وقىرمان نازارىنا ۇسىنىپ وتىر.

پرەزيدەنتتىڭ جيەن نەمەرەسى قازاقستاندىق مەملەكەتتىك ورگانداردان ابدەن كوڭىلى قالعان سىڭايلى. بىزگە بەلگىلىسى، رەسەيدەگى تۇرمەدەن بىردە-بىر قۇجاتسىز ورالعان نازاربايەۆ بار قۇجاتىن قايتا جاساتۋ ءۇشىن مەملەكەتتىك ورگاندارعا جۇگىنگەن بولاتىن. ءارى قارايعى جاعدايىن ايسۇلتان نازاربايەۆ بىلاي جازىپتى:

تۋعان جەر دەگەندى قالاي تۇسىنەسىزدەر؟ بازبىرەۋلەر ءۇشىن ول قۇجاتىندا بەلگىلەنگەن جەر عانا. ەندى ءبىرى ءۇشىن ءوزىن جايلى سەزىنەتىن مەكەن. ال كەيبىرى مەملەكەتىنە تۇپ-تامىرىمەن بايلانعان، پاسپورتىڭدا اتى جازىلعان با، جوق پا ماڭىزدى ەمەس، ەڭ باستىسى ول مەكەندە ءوزىن جاقسى سەزىنەدى.

مەن ءارتۇرلى مەملەكەتتە تۇردىم، وقىدىم، ءبىراق وتانىم، اتامەكەنىم – قازاقستان ەكەنىن ەشقاشان ۇمىتقان ەمەسپىن. ءبىلىپ قانا قويعان جوقپىن، جۇرەگىممەن سەزدىم. الايدا ءدال قازىرگى جاعداي مۇنى تاعى ءبىر رەت قاتتىراق سەزىنۋىمە مۇمكىندىك جاساپ وتىر.

♦ايسۇلتان نازاربايەۆ بيلىكتەگى جاعىمپازداردى سىنعا الدى

بۇل ءۇشىن قازاقستاندىق ميگراسيا قىزمەتىنە جانە ىىم-نە العىسىم زور. سولاردىڭ ارقاسىندا مەن ءقازىر كۋالىكسىز جۇرگەن اداممىن، جاعدايىم جاقسى دەپ ايتا المايمىن، الايدا قازاقستانعا دەگەن سەزىمىمە نۇقسان كەلتىرگەن جوق.

♦ايسۇلتان نازاربايەۆ: مەن بوستاندىققا شىقتىم...

جەكەمەنشىك رەسەيلىك تۇرمەدەن شىققان سوڭ ۇيىمە بىردە ءبىر قۇجاتسىز ورالدىم – ءبارى ۇرلانعان، جويىلعان ەدى. ول جەرگە مەنى «ءتۇزۋ نيەتتى» ادام ورنالاستىردى، ال شىنىندا مەن وعان سەنۋىم كەرەك ەدى. سول سەبەپتى ەلگە ورالعاندا ەشكىمنىڭ كومەگىنە سۇيەنبەي، كادىمگى ازامات رەتىندە قۇجاتتارىمدى قايتا جاساتۋ ءۇشىن قازاقستاندىق ورگاندارعا جۇگىندىم.

ءبىزدىڭ مەملەكەتتىك ورگان – ناعىز توزاقتىڭ ورتاسى. ءبىر مەكەمەدەن ەكىنشى ءبىر مەكەمەگە جۇگىرتىپ قويدى: ءىىم، ميگراسيالىق قىزمەت، احاج... ءبىراق ءارقايسىسى مەنىڭ جاعدايىمدا نە ىستەۋ كەرەكتىگىن بىلمەدى، قاۋقارسىز بولدى. قولدارىن ءبىر سىلتەدى. شىنىمدى ايتسام، كاسىبي ماماندى جولىقتىرا المادىم. بۇل ماسەلە مەن ءۇشىن اسا ماڭىزدى ەدى، الايدا بۇل ەشكىمدى تولعاندىرمادى، مەن ءوز وتانىمنىڭ ازاماتتىعىنان ايىرىلدىم. ولار كادىمگى ءتىرى اداممەن سويلەسىپ تۇر، ءبىراق مەن ولارعا ماسىل ەكەنمىن، سەبەبى ارتىق قيمىلداعىلارى جوق.

♦ايسۇلتان نازاربايەۆ: ەسىرتكىدەن قۇتىلۋىما اتامنىڭ سەنىمى سەبەپ بولدى

مەن – پرەزيدەنتتىڭ نەمەرەسىمىن، بارار جەر، باسار تاۋ تابارىما سەنەمىن. كىمنەن كومەك سۇرارىمدى دا بىلەمىن جانە مىندەتتى تۇردە بارامىن. الايدا قاراپايىم مەملەكەتتىك ورگاندار شەشۋى ءتيىس ماسەلەگە بولا مەملەكەت باسشىسىنا بەكەر جۇگىنگىم كەلمەيدى، بۇل ارەكەتىم ءۇشىن ۇيالار ەدىم. جالپى وسى ماسەلەدە باستى جاۋاپكەرشىلىك كىمگە جۇكتەلگەن؟ قۇيرىعىن قيمىلداتقىسى كەلەتىن جان بار ما؟ الدە قول استىنداعى قىزمەتكەرلەردىڭ ساپالى قىزمەتىن قامتاماسىز ەتە الماي جۇرگەن مينيسترلەر كىنالى مە بۇعان؟

مەملەكەتتىك قىزمەتكەرلەر ءوز ەلىنىڭ ازاماتتارىن نەگە جەك كورەدى؟ كومەك سۇراپ كەلگەن ادامنىڭ بەتىن قايتارۋعا ۇيالمايسىزدار ما؟ بۇل سۇراقتاردى سويلەسۋىمە مۇمكىندىك تۋعان ءار قىزمەتكەرگە قويدىم. الايدا جاۋاپ الا المادىم. دەي تۇرعانمەن، ۇيالار...

بۇل جازبام قازاقستاننىڭ مەملەكەتتىك قىزمەتكەرلەرىنە ارنالادى: سەندەر قۇداي ەمەسسىڭدەر، اللا – بىرەۋ. ءومىر ماڭگى ەمەس، ءبىر كۇنى ولەسىڭدەر، اللانىڭ الدىنا باراسىڭدار. سول كەزدە نە دەپ جاۋاپ بەرەسىڭدەر؟

ءوز جۇمىستارىڭدى ادال اتقارىڭدار، سول كەزدە عانا ەلدەگى جاعداي تۇزەلەدى. سەندەردىڭ ومىرلەرىڭ دە... ءار قازاقستاندىق ءوز وتانىنىڭ قۇرىلىسشىسى، وسىنى تۇسىنىڭدەر!

اۋدارعان: گۇلىم جاقان