ۇستاز – ءومىر  بويى شاكىرت بويىنان جاقسى قاسيەتتەردى ىزدەۋدى  قاجەت  ەتەتىن  كاسىپ. ول سونىسىمەن  قۇندى. ۇلت رۋحانياتىن دارىپتەيتىن، ونىڭ  قۇنىن  بىلەر  شاكىرت  تاربيەلەۋ – بىزدەرگە  پارىز. بىلىكتىلىك – ىزدەنۋمەن،  ەرىنبەيتىن   ۇلكەن ەڭبەكپەن   كەلەتىن  تاجىريبەلەردىڭ  ناتيجەسى. وسىنىڭ  دالەلى  رەتىندە  ايتارىمىز – ءال-فارابي اتىنداعى قازۇۋ-ڭ دايىندىق كافەدراسىندا دارىستەن تىس حالقىمىزدىڭ  ۇلتتىق  رۋحانياتىن  ەسەلەۋگە،  ونى ناسيحاتتاۋعا  ارنالعان  ءىس-شارالار ءداستۇرلى تۇردە ءوتىپ تۇرادى. جاستاردىڭ رۋحاني دامۋىنا، ادامگەرشىلىك ىزگى قاسيەتتەردى بويىنا قالىپتاستىرۋدا  بۇل شارالار وتە  پايدالى، وزدەرىنىڭ بويىنداعى قابىلەتتەرىن اشۋدا، كوپشىلىك ورتادا ءوزىن جاقسى جاعىنان ۇلگى رەتىندە كورسەتە بىلۋدە، قوعامدىق شارالاردى ۇيىمداستىرا ءبىلۋ سياقتى ءار ءتۇرلى قىرىنان تانىلادى.  قىزىقتى سايىستار، ءبىلىم باسەكەلەرى، ونەر فەستيۆالدارى جىل سايىنعى ءداستۇرلى مەرەكەلەرگە اينالعان. كافەدراداعى «شامشىراق»، «جاس تاريحشى»، «تەمىرقازىق»، «ولكەتانۋ»، «جاۋقازىن»، «ءتىلتانىم»،ت.ب. ۇيىرمەلەر  بار، ولار وتكىزەتىن كەشتەر مەن تاربيەلىك ساعاتتار تاقىرىپ جاعىنان دا، ءمان-ماعىناسى جاعىنان دا تەرەڭ، ماڭىزدى. بارلىعى جاس جەتكىنشەكتەرگە تۋعان ەلدىڭ مادەنيەتىن  تانىستىرۋ، حالقىمىزدىڭ قۇندى رۋحانياتىن  قۇرمەتتەۋ، تانىمال تۇلعالاردىڭ ءومىرى مەن ەڭبەكتەرىن ۇلگى ەتۋ، ءعىلىم-بىلىمىن ساپالى يگەرتۋ ماقساتىندا جوسپارلى ىستەر اتقارۋدا. سولاردىڭ ءبىرى – «شامشىراق» كلۋبى. بۇل كلۋبتىڭ ماقساتى –  تالانتتى جاستاردى  شىعارماشىلىققا باۋلۋ، ادەبي-مادەني باعىتتاعى بىلىمدەرىن كوتەرۋ، حالقىمىزدىڭ رۋحاني قۇندىلىقتارىن ناسيحاتتاۋ. سونداي باعىتتا  اقىن-جازۋشىلارمەن قىزىقتى كەشتەر ۇيىمداستىرۋ، سىر-سۇحبات وتكىزۋ، جاتاقحانادا ءوزارا ءار ءتۇرلى تاقىرىپتاردا پىكىرتالاستار ۇيىمداستىرۋ شارالارى وتكىزىلەدى. كلۋب مۇشەلەرى – ادەبيەت پەن ونەر سالاسىن تاڭداعان جاستار، ولاردىڭ قۇرامىندا بۇرىنعى تۇلەكتەر دە  بار. ولار ءار ءتۇرلى وقۋ ورىندارىندا وقىپ جۇرگەن، كەيبىرى وقۋلارىن  ءبىتىرىپ ەلگە قىزمەت ەتىپ جۇرگەن تۇلەكتەرىمىز. كەزدەسۋلەرگە كەلىپ وزدەرىنىڭ وسى جولدان قالاي وتكەنىن، بۇگىنگى جەتىستىكتەرىنە قالاي جەتكەندەرىن ارتتا كەلە جاتقان ءىنى-قارىنداستارىنا ساباق رەتىندە اقىل-كەڭەستەرىن ايتادى، شىعارماشىلىق بايلانىس ورناتادى. كافەدرادا نەگىزىنەن شەتەلدەن كەلگەن قازاق بالالارى وقىعاندىقتان قوعامدىق ورتاعا بەيىمدەۋ، ءوزىن ەركىن سەزىنۋ، شىعارماشىلىق قولداۋ كورسەتۋ ءبىزدىڭ باستى نازارىمىزدا بولادى. سونداي باعىتتا بيىلعى شاكىرتتەرىمىز دە كلۋب اياسىندا  اۋقىمدى ىستەر اتقارۋدا. ەڭ ەلەۋلى ءىس – كلۋبتىڭ اي سايىنعى قابىرعا گازەتىن شىعارۋ قولعا الىندى. وندا جاس تالانتتى تىڭداۋشىلاردىڭ تىرناقالدى تۋىندىلارى جاريالانىپ تۇرادى. سونىڭ العاشقى ءنومىرى ەل تاۋەلسىزدىگى   مەرەكەسىنە ارنالىپ،  «الاش ءۇنى» دەگەن اتپەن شىقتى. وندا كەشەگى ۇلت كوسەمدەرىنىڭ جالىندى سوزدەرى، سۋرەتتەرى ءىلىنىپ، سوڭىنان بۇگىنگى سول ارىستارىمىزدىڭ ءىزىن جالعاستىرۋشى  جاستارىمىزدىڭ جالىندى جىرلارى مەن تولعاۋ-سوزدەرى جاريالاندى.  الداعى ساندار دا جاستاردىڭ شىعارماشىلىعىنا ارنالىپ وتىر. «مۋزا»،  «جاس پروزايك»، «كەل، سىرلاسايىق»، «قال قالاي، جاس دوس!»، «مەن – كافەدرامنىڭ ۇزدىگىمىن» دەگەن ايدارلار ارقىلى تىڭداۋشىلاردىڭ شىعارماشىلىق، وقۋ-تاربيە ماسەلەلەرى تۋرالى ماسەلەلەر نازاردى بولىپ وتىرادى. بۇل تالانتتى جاستاردىڭ شىعارمالارى ستۋدەنتتەر مەن وقۋشىلار اراسىنداعى  ءا.نۇرشايىقوۆ اتىنداعى رەسپۋبليكالىق شىعارماشىلىق بايقاۋعا جىلدا قاتىسىپ، جۇلدەلى ورىندارعا يە بولىپ، اقشالاي سىياقىلارعا يە بولىپ كەلەدى. بيىلعى جىلى دا بۇل بايقاۋعا قاتىسىپ، كافەدرامىزدىڭ تۇلەگى،قازىرگى ءسدۋ-دىڭ فيلولوگيا فاكۋلتەتىنىڭ ستۋدەنتى گۇلدەن ازىلبەك 3-ورىندى جەڭىپ الىپ، تالانتىنىڭ ۇشقىرلىعىن تانىتتى.

ج.س.ءادىلحانوۆا

جوو-دەيىنگى دايىندىق كافەدراسىنىڭ اعا وقىتۋشىسى،

«شامشىراق» كلۋبىنىڭ جەتەكشىسى