بانك ۆتب (قازاقستان) «استانا بيزنەس 2» باعدارلاماسى بويىنشا كاسىپكەرلەردى قارجىلاندىرۋدى باستايدى، دەپ حابارلايدى Qamshy.kz اقپارات اگەنتتىگى.
بانك دامۋ قورى جانە استانا اكىمدىگىمەن «استانا بيزنەس 2» استانا قالاسىنىڭ شاعىن جانە ورتا كاسىپكەرلىك سۋبەكتىلەرىن وڭىرلىك قارجىلاندىرۋ باعدارلاماسىنا 300 ملن تەڭگە سوما كولەمىندە قاتىسۋى تۋرالى كرەديتتىك كەلىسىمگە قول قويدى، ونىڭ 100 ملن تەڭگەسى قالالىق اكىمدىكپەن، ال 200 ملن تەڭگەسى قورمەن ءبولىندى.
وسى باعدارلاما اياسىندا بانك ۆتب (قازاقستان) ەلوردانىڭ ءىسىن جاڭا باستاعان جانە ءىسى ءجۇرىپ تۇرعان بيزنەسمەندەرگە نومينالدى سىياقى مولشەرلەمەسىمەن جىلدىق 8،5%-عا دەيىن جەڭىلدىكتى كرەديتتەر بەرەتىن بولادى.
-بانك ۆتب (قازاقستان) «دامۋ» كاسىپكەرلىكتى دامىتۋ قورىمەن بىرلەسىپ شوب سەكتورىنا ەلەۋلى قولداۋ كورسەتەتىن كوپتەگەن جوبالاردى جۇزەگە اسىردى، - دەيدى بانك ۆتب (قازاقستان) باسقارماسىنىڭ ءتوراعاسى دميتريي زابەللو.
-2017 جىلى ءبىز «استانا-بيزنەس» ءبىرىنشى باعدارلاماسى اياسىندا ەلوردالىق بيزنەستى
قارجىلاندىرۋعا بانككە بولىنگەن قاراجاتتى تابىستى يگەردىك. جالپى سوماسى 200 ملن. تەڭگەگە جەتى كليەنت قارجىلاندىرىلدى. بۇعان دەيىن ءبىز باسىم سالالاردى دامىتۋعا عانا كرەديت بەرە الدىق، «استانا بيزنەس 2» باعدارلاماسى اياسىندا مۇنداي شەكتەۋلەر جوق، - دەدى زابەللو.
نارىقتا ءۇش جىلدان استام جۇمىس ىستەيتىن كاسىپكەرلەر بانك ۆتب (قازاقستان)-نان «استانا بيزنەس 2» باعدارلاماسى بويىنشا ەڭ جوعارى سوماسى 100 ملن تەڭگەگە دەيىن؛ ءۇش جىلدان بەرى تىركەلگەن ءىسىن جاڭا باستاعان بيزنەسمەندەردىڭ – 50 ملن تەڭگەگە دەيىن كرەديت الۋىنا مۇمكىندىكتەرى بولادى.
ايتا كەتەيىك، بانك ۆتب (قازاقستان) اق ەۇ – ۆتب حالىقارالىق قارجى توبىنا كىرەدى. بانك 9 جىلدان استام ۋاقىت قازاقستاننىڭ قارجى نارىعىندا جۇمىس ىستەپ كەلەدى. بۇگىنگى تاڭدا بانك ۆتب (قازاقستان) اق ەۇ ەلىمىزدىڭ بارلىق وڭىرلەرىندە ورنالاسقان 17 فيليالدان تۇراتىن فيليالدىق جەلىسى بار. S&P Global Ratings دەرەكتەرى بويىنشا ۆتب (قازاقستان) قازاقستاننىڭ بارلىق ەدب اراسىندا ەڭ جوعارى كرەديتتىك رەيتينگكە يە بولىپ وتىر. بانكتىڭ ورتالىق كەڭسەسى الماتى قالاسىندا ورنالاسقان. 2014 جىلعى 23 جەلتوقسانداعى №1.2.14/39 ق ر ۇلتتىق بانكىنىڭ ليسەنزياسى.
پىكىر قالدىرۋ