ءبىلىم جانە عىلىم ءمينيسترى كۇلاش ءشامشيدينوۆا جاڭاوزەندەگى ءبىرقاتار نىسانداردى ارالادى. بۇل تۋرالى ماڭعىستاۋ وبلىسى اكىمدىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى Qamshy.kz اقپارات اگەنتتىگى inform.kz سايتىنا سىلتەمە جاساپ.

«ۆەدومستۆو باسشىسى مەكتەپ-گيمنازيادا پەداگوگيكالىق قۇراممەن كەزدەستى. سونداي-اق وعان IT جانە روبوتوتەحنيكا سىنىپتارىنداعى وقۋشىلاردىڭ جۇمىسى تانىستىرىلدى»، - دەلىنگەن باسپا ءسوز اقپاراتىندا. بىلتىر ماڭعىستاۋدا 6300 ورىندىق 9 مەكتەپ پايدالانۋعا بەرىلدى.

جاڭاوزەن قالاسىندا 2018-2019 وقۋ جىلىندا 2 جاڭا مەكتەپ ىسكە قوسىلدى. جالپى، قالادا 24 ورتا مەكتەپ جۇمىس ىستەيدى، وندا 30579 وقۋشى ءبىلىم الادى.

كۇلاش ءشامشيدينوۆا اتاپ وتكەندەي، 1 شىلدەدەن باستاپ بيۋدجەتتىك سالا قىزمەتكەرلەرىنىڭ جالاقىسى 30% ارتادى. وسىلايشا، جوعارى ساناتى بار قالا ءمۇعالىمىنىڭ جالاقىسى 158 034 تەڭگە، اۋىلدىق جەرلەردە -180 908 تەڭگەنى قۇرايتىن بولادى.

ءمينيستردىڭ پىكىرىنشە، جالاقىنىڭ ارتۋى مۇعالىمدەردىڭ ءومىر ءسۇرۋ دەڭگەيىن ارتتىرىپ، جۇمىستىڭ ساپاسىنا اسەر ەتەدى جانە جاس ماماندار ءۇشىن جاقسى ىنتالاندىرۋ بولماق.  

ايتا كەتسەك، جاڭادان تاعايىندالعان ءبىلىم ءمينيسترى ءبىلىم سالاسىنا ءبىرشاما وزگەرىستەر ەنگىزەدى، ءبىلىم سالاسىن جاقسارتادى دەگەن ءۇمىت كوپ. "الىپپەنى" قايتارامىز دەگەن جاڭالىقتىڭ ءوزى كوپشىلىكتىڭ كوڭىلىنەن شىقتى. 

ۇسىنعان: ماقپال سەمباي