12 ناۋرىزدا نيۋ-يوركتە "Global Finance" جۋرنالى جىل سايىنعى ءداستۇر بويىنشا 26-شى رەت الەمنىڭ ۇزدىك بانكتەرىن ماراپاتتادى دەپ حابارلايدى Qamshy.kz اقپارات اگەنتتىگى.
"Global Finance" جۋرنالىنىڭ ۇجىمى قارقىندى ءوسۋ، يننوۆاسيالىق تەحنولوگيالاردى ازىرلەۋ جانە ەنگىزۋ، سونداي-اق ستراتەگيالىق جوبالاردى ىسكە اسىرۋ كريتەرييلەرىن نەگىزگە الا وتىرىپ، جىل سايىن 150-دەن استام ەلدەگى ۇزدىك قارجى ينستيتۋتتارىنا زەرتتەۋ جۇرگىزەدى جانە تاڭدايدى. بيىل دا وڭتايلى جانە ىڭعايلى سەرۆيستەرىمەن جانە كەرەمەت بيزنەس ناتيجەلەرىمەن ءبىرقاتار بانكتەر لاۋرەات دەپ تانىلدى. حالىقارالىق باسىلىمنىڭ وڭ كوزقاراسىنا يە بولعان قارجى ۇيىمدارىنىڭ اراسىندا قازاقستاندىق Forte بانكى بار.
سالتاناتتى راسىمدە بانكتىڭ باسقارما ءتوراعاسى گۋرام اندرونيكاشۆيلي بىلاي دەدى:
"ءبىز ءۇشىن Global Finance جۋرنالىنىڭ ماراپاتىن الۋ – ۇلكەن قۇرمەت. بۇل ماراپاتتى ەكى جىل قاتارىنان يەلەنۋىمىز ءبىزدىڭ تۇتىنۋشىلارىمىزعا ءتيىمدى قىزمەتىمىزدى جانە ستراتەگيامىزدىڭ دۇرىس تاڭدالعانىن راستايدى. بانك ءوزىنىڭ كليەنتتەرىنە ۇزدىك يننوۆاسيالىق ونىمدەرىن ۇسىنا وتىرىپ، كاپيتالىنىڭ جەتكىلىكتىلىگى مەن وتىمدىلىگى بويىنشا نارىقتا كوشباسشىلىق پوزيسياسىن ساقتاپ قالادى. ءبىز 2018 جىلى بارلىق قارجىلىق جانە وپەراسيالىق كورسەتكىشتەر نەگىزىندە ايتارلىقتاي وسىمگە قول جەتكىزىپ، اكتيۆتەر مولشەرى بويىنشا قازاقستاننىڭ ەكىنشى دەڭگەيلى بانكتەرىنىڭ توپ-3 قۇرامىنا كىردىك. ال بۇل جەتىستىگىمىز حالىقارالىق ساراپشىلار تاراپىنان باعالانعانىنا قۋانىشتىمىز".
ايتا كەتەيىك، "Global Finance" تالداۋشىلارىنىڭ پىكىرىنشە، ForteBank جەڭىسىن انىقتاعان نەگىزگى فاكتورلار نارىقتىق پوزيسيالارىنىڭ كۇشەيۋى، گەوگرافيالىق قامتۋى جانە كليەنتتەر ءۇشىن ۇزدىك يننوۆاسيالىق قىزمەت كورسەتۋى بولىپ تابىلادى.
ۇسىنعان: گۇلىم جاقان
پىكىر قالدىرۋ