تەلەفون ارقىلى سويلەسكەندە الاياق ادام تۋىسقانى بولىپ تانىسادى جانە قىلمىس جاساعانى ءۇشىن پوليسيا قىزمەتكەرلەرىنىڭ ۇستاپ العانىن ايتادى (جكو، ەسىرتكىنى ساقتاۋ، دەنە جاراقاتى). سودان كەيىن پوليسيا قىزمەتكەرى اڭگىمەگە ارالاسادى. ول، بەلگىلى ءبىر اقشا سومماسىن الىپ كەلگەن جاعدايدا تۋىسىن بوساتىپ، بارلىق ماسەلەنى شەشەتىنىن ايتادى. اقشانى كەز-كەلگەن تەلەفون نومىرىنە نەمەسە ەلەكتروندى ءاميانعا اۋدارۋ كەرەك.

قاۋىپسىزدىك شارالارى:

ەگەر، سىزگە جاقىن تۋىسىڭىز نەمەسە دوسىڭىز بەلگىسىز ءنومىر ارقىلى حابارلاسقان بولسا، وندا ءسىزدىڭ ارەكەتىڭىز:

         - ءوزىڭىزدىڭ تۋىسقانىڭىزعا ەكەۋىڭىزدە جاۋابىن بىلەتىن سۇراقتى قويىڭىز؛

         - قۇقىق قورعاۋ ورگانىنىڭ قىزمەتكەرىنەن تۋىسىڭىزدى قاي باسقارماعا نەمەسە بولىمگە الىپ كەلگەنىن سۇراڭىز؛

         - 02 ءنومىرىن تەرىڭىز جانە پب نەمەسە ءپب-نىڭ كەزەكشى ءبولىمىنىڭ ءنومىرىن ءبىلىپ الىپ، ءسىزدىڭ تۋىسىڭىزدىڭ كەلىپ تۇسكەنىن جانە بۇل ىسپەن كىمنىڭ اينالىساتىنىن كەزەكشىدەن سۇراپ الىڭىز؛

         - ەگەر ءسىز قوڭىراۋ شالقان تۋىسىڭىزدان نەمەسە ايتىلعان فاكتىلەردەن كۇدىكتەنسەڭىز، تۋىسىڭىزدىڭ ۇيالى تەلەفون نومىرىنە قايتا حابارلاسىپ كورىڭىز. ەگەر ول ءوشىرۋلى بولسا، قوسىمشا اقپارات الۋ ءۇشىن ونىڭ دوستارى مەن ارىپتەستەرىنە حابارلاسىڭىز.

ۇسىنعان: گۇلىم جاقان