قىتايدا حيميالىق زاۋىتتا جارىلىس بولىپ، ءتورت مىڭ ادام ەۆاكۋاسيالاندى دەپ حابارلايدى Qamshy.kz اقپارات اگەنتتىگى tass.ru سايتىنا سىلتەمە جاساي وتىرىپ. 

21 ناۋرىز كۇنى قىتايدىڭ شىعىسىنداعى يانچەن قالاسىندا حيميالىق زاۋىتتا جارىلىس بولىپ،  44 ادام قازا تاپتى جانە 90 ادام جاراقات العان. بۇل تۋرالى قالا اكىمى ساو لۋباو باسپا ءسوز كونفەرەنسياسى كەزىندە مالىمدەدى.

"32 ادام زارداپ شەكتى، ال 58 ادام اۋىر جاراقات الدى. زارداپ شەككەندەردىڭ ناقتى سانى ءالى انىقتالمادى. ال، جارىلىستان زارداپ شەككەندەردى 16 اۋرۋحاناعا جەتكىزدىك"- دەيدى ساو لۋباو

اپاتتىق-قۇتقارۋ جۇمىستارىنا جانە توتەنشە جاعدايلارعا قارسى ءىس-شارالارعا 192 ءورت ءسوندىرۋ بريگاداسى، 930-دان استام اسكەري قىزمەتشى جۇمىلدىرىلدى.

جارىلىس 21 ناۋرىز كۇنى تۇستەن كەيىن يانچجەن حيميالىق يندۋستريالىق پاركىندە ورنالاسقان سزيانسۋ تيانسزيا كومپانياسىندا بولدى. جارىلىستىڭ  كۇشتى بولۋىڭ اسەرىنەن ەلدەگى سەيسمولوگيالىق بولىمدە 3 جەر سىلكىنىسى تىركەلدى. جارىلىستان بولعان سوققىدان 5 شاقىرىمدا ورنالاسقان ۇيلەردىڭ تەرەزەلەرى سىنعان. 

«سزيانسۋ تيانسزياي» كومپانياسى يميا ونەركاسىبى ءۇشىن شيكىزاتتىڭ بىرنەشە تۇرلەرىن وندىرۋمەن اينالىسادى. 2016 جىلدان باستاپ 2018 جىلعا دەيىن جەرگىلىكتى بيلىك حيميالىق زاۋىتتى قورشاعان ورتانى قورعاۋ ەرەجەلەرىن بۇزعانى ءۇشىن كەمىندە التى رەت ايىپپۇل سالعان . ايىپپۇلداردىڭ جالپى سوماسى 1،29 ميلليون يۋان (شامامەن 193 مىڭ دوللار) بولعان. 

اۋدارعان: فاريزا جومارت قىزى