قازاقتىڭ ناعىز باتىر قىزى – ءاليا مولداعۇلوۆا 1924 جىلى 15 ماۋسىمدا اقتوبە وبلىسى، قوبدا اۋدانى، بۇلاق اۋىلىندا تۋعان. 1944 جىلى 14 قاڭتاردا پسكوۆ وبلىسى، نوۆوسوكولنيكي اۋدانى، كازاچيحا دەريەۆنياسىندا قايتىس بولدى. ءاليا 9 جاسىندا اناسىنان ايرىلىپ، الماتىداعى اعاسىنىڭ قولىندا تۇرادى. 11 جاسىنان باستاپ سول كەزدەگى لەنينگراد قالاسى، كراسنوگۆاردەيسكيي اۋدانى، گۋردين كوشەسىندەگى №46 بالالار ۇيىندە تاربيەلەنگەن. №9 ورتا مەكتەپتە وقىدى. وقۋداعى وزاتتىعى، ۇلگىلى ءتارتىبى ءۇشىن قىرىمداعى ارتەك لاگەرىنە بارادى. سوعىس باستالعاندا بالالار ۇيىمەن بىرگە ياروسلاۆل وبلىسىنىڭ ۆياتسكوە سەلوسىنا كوشىرىلىپ، 7ء-ىنشى سىنىپتى بىتىرگەن سوڭ، رىبينسك اۆياسيالىق تەحنيكۋمىنا تۇسەدى. كوپ ۇزاماي 1942 جىلى مايدانعا جىبەرىلەدى. ءبىر جىلدان سوڭ مەرگەندەر مەكتەبىن ءتامامداپ، №54 ارنايى اتقىشتار بريگاداسى، 4ء-ىنشى باتالونىنىڭ مەرگەنى (2ء-ىنشى بالتىق جاعالاۋى مايدانى، 22ء-ىنشى اسكەر) بولادى. قاھارمان قىز 1944 جىلى لەنينگراد-نوۆگورود وپەراسياسى كەزىندە جاۋدىڭ 70-تەن استام وفيسەرلەرى مەن سولداتتارىنىڭ كوزىن جويعان. سول جىلى 14ء-ىنشى قاڭتاردا پسكوۆ وبلىسىنىڭ سولتۇستىگىندەگى نوۆوسوكولنيكي اۋدانىندا قازا تاپقان. دەنەسى موناكوۆا اۋىلىندا جەرلەنگەن. 1944 جىلى ءاليا مولداعۇلوۆاعا كەڭەس وداعىنىڭ باتىرى اتاعى بەرىلدى.

ءاليانىڭ ەسكەرتكىشى اقتوبە، الماتى، نۇر-سۇلتان، ماسكەۋ، نوۆوسوكولنيكي قالالارىندا بار.

تولەن تىلەۋبايدىڭ Facebook پاراقشاسىنان الىندى

ۇسىنعان: نازەركە لابيحان