مۇستافا كەمال اتاتۇرىك — وسمان جانە تۇركيا مەملەكەتىنىڭ رەفورماتورى، اسكەري قولباسشىسى، مەملەكەت قايراتكەرى، تۇركيا رەسپۋبليكاسىنىڭ نەگىزىن قالاۋشى تۇلعا جانە ونىڭ تۇڭعىش پرەزيدەنتى.
تاۋەلسىز تۇركيا ەلىنىڭ تۇڭعىش پرەزيدەنتى مۇستافا كەمال اتاتۇرىك ءوز ەلىنە بەيبىتشىلىك اكەلىپ، تۇرىك حالقىن دۇنيەجۇزىنە تانىتقان تۇلعا. تۇركيادا ادىلدىك پەن ءتارتىپ ورناتقان اتاتۇرىكتى مەملەكەتتىك قايراتكەر رەتىندە ەلى قۇرمەت تۇتادى. مۇستافا كەمال ءوزى باسقارعان ۋاقىتتا ەل ىشىندە حالىقىنىڭ يگىلىگى ءۇشىن ءتۇرلى رەفورمالار ورناتىپ، تۇرىك ءتىلىن مەملەكەتتىك دەڭگەيىنە كوتەرىپ، حالقى ءۇشىن قىزمەت ەتكەن تاريحي تۇلعا.
Qamshy.kz اقپارات اگەنتتىگى كەمال اتاتۇرىكتىڭ قاناتتى سوزدەرىن وقىرمان نازارلارىڭىزعا ۇسىنادى.
***
— دەپۋتاتتارعا جالاقى تاعايىندايىق دەگەنبىز، مولشەرى قانشا بولسىن؟ - دەگەن سۇراققا ول:
— ەڭ باستىسى مولشەرى مۇعالىمدەر ايلىعىنان جوعارى بولماسىن — دەپ جاۋاپ بەردى.
***
ۇلتقا قوجالىق جاساۋعا بولمايدى، وعان تەك قىزمەت ەتۋ كەرەك. ۇلتقا قىزمەت جاساي بىلگەن ادام عانا ونىڭ قوجاسى بولا الادى.
***
كىشكەنە ىستەرمەن اينالىسپاڭىزدار. ۇنەمى ۇلى ارمانداردىڭ سوڭىندا بولىڭىزدار. سولاي بولعاندا ەڭبەكتەرىڭىز سىزدەن كەيىن دە جالعاسادى.
***
مەنىڭ ماقسات-مۇراتىم بار. ءبىراق ول جاقسى قىزمەتتىك كارەرا نەمەسە ۇلكەن اقشا جاساۋعا قاتىستى ەمەس. مەنىڭ ماقسات-مۇراتىم ەلىمنىڭ جارقىن بولاشاعى جونىندەگى ۇلى يدەيانىڭ تابىستى بولۋىنا قاتىستى. ارمان-تىلەگىمىز: سىرتتا – تاۋەلسىزدىك، مەملەكەت ىشىندە شارتسىز تۇردە ۇلتتىڭ ەگەمەندىگىن قورعاۋ بولىپ تابىلادى.
ۇسىنعان: فاريزا جومارت قىزى
پىكىر قالدىرۋ