د.بالاندين ازاماتتىڭ اۆتوكولىگىنىڭ ايناسىنىڭ ۇرلانۋ فاكتىسى بويىنشا المالى اۋداندىق پوليسيا باسقارماسىمەن ق ر قك-نىڭ 188 بابىنا سايكەس سوتقا دەيىنگى تەرگەۋ جۇرگىزىلۋدە، دەپ حابارلادى Qamshy.kz اقپارات اگەنتتىگىنە قالالىق پوليسيا دەپارتامەنتىنىڭ باسپا ءسوز قىزمەتى.

قالانىڭ كريمينالدىق پوليسيا باسقارماسىنىڭ قىزمەتكەرلەرىنىڭ كومەگىمەن وسى قىلمىستى اشۋعا باعىتتالعان جەدەل-ىزدەستىرۋ جانە ارنايى ءىس-شارالار كەشەنى جۇزەگە اسىرىلۋدا. قاداعالاۋ كامەرالارىنان دەرەكتەر تالداندى.

قاسكويدىڭ جەكە باسى انىقتالدى. ونى قولعا ءتۇسىرۋ – ۋاقىت ەنشىسىندە. قازىرگى ۋاقىتتا جەدەل-ىزدەستىرۋ قىزمەتكەرلەرىمەن ۇرلانعان اينانى ىزدەستىرۋ جانە تاركىلەۋ بويىنشا جۇمىستار جۇرگىزىلىپ جاتىر. وسىعان بايلانىستى ۇرلانعان مۇلىكتى ساتۋى مۇمكىن دەگەن جەرلەر تەكسەرىلۋدە.

كريمينالدىق پوليسيا باسقارماسىنىڭ مالىمەتىنشە، كۇدىكتى سول ءتۇنى جانە سول جەردە «رەنج روۆەر» ماركالى اۆتوكولىكتىڭ اينالارىن ۇرلاپ كەتكەن. تەرگەۋ جۇرگىزىلۋدە.

الماتىدا وسى جىلى ۇرلىقتاردىڭ سانى وتكەن جىلمەن سالىستىرعاندا 2،4 ەسەگە ازايعان، «ءىزىن سۋىتپاي» وسىعان ۇقساس سيپاتتا ۇرلىقتاردىڭ جارتىسىنان استامى انىقتالدى. جىل باسىنان بەرى وسى قىلمىستاردى جاساعانى ءۇشىن 30-دان استام ادام ۇستالدى، اۆتوكولىكتەردەن ۇرلىق جاساعان 3 قىلمىستىق توپ بەيتاراپتاندىرىلدى. 

ۇسىنعان: نازەركە لابيحان