الماتى پوليسياسى بىرنەشە كولىك ۇرلىعىنا قاتىسى بار 25 جاسار ا.ەسىمدى ازاماتتى قولعا ءتۇسىردى. ول  تەك جەتىسۋ اۋدانىندا ورنالاسقان بوتەن بىرەۋلەردىڭ كولىكتەرىن ۇرلاعان  دەپ حابارلايدى Qamshy.kz اقپارات اگەنتتىگى الماتى قالالىق پد باسپا ءسوز قىزمەتىنىڭ دەرەگىن نەگىزگە الا وتىرىپ.

«قاسكوي ادەيى «مازدا-626» جانە «ۆاز» ماركالى اۆتوكولىكتەردى ۇرلاعان. ەسكى كولىكتەردى اشۋ جانە ۇرلاۋ وڭاي بولعان. كەيبىر اۆتوكولىكتەردىڭ كىلتتەرى ءتىپتى باسقا اۆتوموبيلدەرگە سايكەس كەلەدى. ۇرى وسى ۋاقىتقا دەيىن «وجەت» ىقشام اۋدانىندا تۇرىپ، «اينابۇلاق» ىقشام اۋدانىندا قىلمىس جاساعان. «ءۇيىنىڭ ارعى كوشەسىندە ارەكەت جاساعان» دەۋگە بولادى. ۇرلانعان كولىك قۇرالدارىن قاسكوي، ءوزىنىڭ جەكە ماقساتىندا پايدالانعان نەمەسە ساتقان. مىسالى، ول اۋىلعا بارىپ، كولىك وزىنىكى ەكەنىنە جانە دۇرىستاپ اتىنا اۋدارىپ الۋعا ۋاقىتى بولماعانىنا سەندىرىپ، «تاپقانىن» 80-100 مىڭ تەڭگەگە كولىكتى ساتىپ، پايدا تاپقان. قازىرگى تاڭدا كۇدىكتىنىڭ قالانىڭ شەتىندە وسىعان ۇقساس 9 وقيعاسى تىركەلدى. ا.ەسىمدى ازامات ۋاقىتشا ۇستاۋ يزولياتورىنا قاماۋعا الىندى. تەرگەۋ امالدارى جۇرگىزىلۋدە»، - دەپ حابارلادى، الماتى قالالىق پد كريمينالدىق پوليسيا باسقارماسىنىڭ باستىعى، پوليسيا پودپولكوۆنيگى ەسەن ىسقاقوۆ.

ايتا كەتۋ كەرەك، جۇمىسسىز، بۇرىن سوڭدى وسىنداي قىلمىستار جاساعانى ءۇشىن سوتتالعان.

ۇسىنعان: فاريزا جومارت قىزى