قازاقستان پرەزيدەنتى قاسىم-جومارت توقايەۆ مەملەكەتتىك ساپارمەن تاشكەنت قالاسىنا باردى دەپ حابارلايدى Qamshy.kz اقپارات اگەنتتىگى. بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي ءوزىنىڭ فەيسبۋكتەگى پاراقشاسىندا حابارلادى.
ساپار اياسىندا وزبەكستان پرەزيدەنتى شاۆكات ميرزيويەۆپەن جەكە جانە كەڭەيتىلگەن قۇرامدا كەزدەسۋلەر وتكىزىپ، ءبىرقاتار ەكى جاقتى قۇجاتتارعا قول قويىلماق. سونداي-اق، ب ا ق وكىلدەرى ءۇشىن بريفينگ وتكىزۋ جوسپارلانعان.
سونىمەن قاتار، قاسىم-جومارت توقايەۆ وزبەكستانداعى قازاقستان جىلىنىڭ سالتاناتتى اشىلۋ راسىمىنە قاتىسادى.
بۇعان دەيىن مەملەكەت باسشىسى وزبەكستانعا العاشقى مەملەكەتتىك ساپارى قارساڭىندا كورشى ەلدىڭ "ۋزا" ۇلتتىق اقپارات اگەنتتىگىنە سۇحبات بەرگەن ەدى.
ۇسىنعان: ماقپال سەمباي
