تۇركيانىڭ قازاقستانداعى ەلشىلىگى مادەنيەت جانە اقپارات باسقارماسىنىڭ دەرەكتەرىنە سۇيەنسەك، 2018 جىلى تۇركيادا بولىپ قايتقان تۋريستەر سانى 39 ميلليون 488 مىڭ 401 ادامعا دەيىن جەتتى. تۇركياعا اسا قىزىعۋشىلىق تانىتاتىنداردىڭ كوشىن رەسەيلىكتەر، نەمىستەر مەن اعىلشىندار باستاپ تۇر. 2019 جىلى ءبىز كەم دەگەندە 50 ميلليون تۋريست كورسەتكىشىنە قول جەتكىزۋگە نيەتتىمىز. 2018 جىلى تۇركيا قازاقستاننان بارعان 430 مىڭعا جۋىق ءتۋريستى قابىلدادى، دەپ جازادى Qamshy.kz اقپارات اگەنتتىگى ttjk.kz سايتىنىڭ دەرەگىن نەگىزگە الىپ.
تەڭىز تۋريزمىمەن قاتار، تۇركيا جىل بويى قىسقى تۋريزم، مادەني تۋريزم، تاۋ ءتۋريزمى، دالالىق تۋريزم، سپورت ءتۋريزمى، گاسترونوميالىق تۋريزم، ساۋدا ءتۋريزمى، ساۋىقتىرۋ ءتۋريزمى، كونگرەسس تۋريزم، وتاۋ قۇرۋ ءتۋريزمى جانە ت.ب. ءارتۇرلى باعىتتار بويىنشا تۋريستەردى قابىلدايدى. دۇنيەجۇزىلىك تۋريزم ۇيىمىنىڭ (يۋنۆتو) دەرەكتەرىنە سايكەس، تۇركيا ەۋروپاداعى تۋريستەر ەڭ كوپ كەلەتىن العاشقى ءۇل ەلدىڭ، الەمدەگى العاشقى ون ەلدىڭ قاتارىندا كىرەدى. 2018 جىلى تۇركياعا بارىپ قايتقان رەسەيلىك تۋريستەر سانى 5 ملن 964 مىڭ 613 ادامدى قۇرادى. سونىمەن قاتار، وسى جىلى تۇركياعا گەرمانيادان 4 ملن 512 مىڭ 360 تۋريست كەلگەن. تۇركيانىڭ الەمنىڭ 100-دەن استام ەلىنەن تۋريستەردى وزىنە تارتا العانىن اتاپ ءوتۋ كەرەك. بۇل ءتىزىمدى رەسەي مەن گەرمانيادان كەلگەن تۋريستەر باستاپ تۇر، بۇدان كەيىن ۇلىبريتانيا، بولگاريا، گرۋزيا، يران، ۋكراينا جانە ت.ب. ەلدەر ورنالاسقان. 2017 جىلى تۇركيا جالپى سانى 33 ملن ءتۋريستى قابىلداعان. 2018 جىلى تۋريستەر اعىنى 22 %-عا ارتىپ، شامامەن 40 ملن ادامدى قۇرادى. 2018 جىلى قازاقستاننان تۇركياعا بارعان تۋريستەر سانى دا 2017 جىلمەن سالىستىرعاندا ۇلعايىپ، 426 مىڭ 916 ادامدى قۇرادى. اعىمداعى جىلى تۋريستەر سانى 50 ملن ادامعا جەتەدى دەپ كۇتىلۋدە. دەگەنمەن، 2019 جىلدىڭ العاشقى ءۇش ايىنداعى دەرەكتەردى نازارعا الاتىن بولساق، تۋريستەر سانى بۇل كورسەتكىشتەن اسىپ ءتۇسۋى ابدەن مۇمكىن. تۇركيا رەسپۋبليكاسىنىڭ نۇر-سۇلتانداعى (استانا) ەلشىلىگىنىڭ مادەنيەت جانە اقپارات ىستەرى جونىندەگى كەڭەسشىسى نۋري شيمشەكلەر تۋريزم سەكتورىنىڭ ەلگە تابىس اكەلەتىن اسا ماڭىزدى ەلەمەنت بولىپ تابىلاتىنىن مالىمدەدى، سونداي-اق بۇگىنگى كۇنى قول جەتكىزىلگەن جەتىستىكتىڭ بىرنەشە جىل بۇرىنعى كاسىبي دايىندىق پەن ينۆەستيسيالاردىڭ جەمىسى ەكەنىن ايتىپ ءوتتى. نۋري شيمشەكلەردىڭ ايتۋىنشا، بۇل جەتىستىككە تۇركيادا بىرنەشە جىل بۇرىن جۇزەگە اسىرىلا باستالعان تۋريستىك سالاداعى كورەگەن ساياسات پەن جۇمسالعان ينۆەستيسيالاردىڭ ارقاسىندا قول جەتكىزىلدى. بۇعان قوسا، ول تۇركيانىڭ جاز مەزگىلىندەگى تەڭىز تۋريزمىمەن قاتار، ءارتۇرلى وزگە تۋريستىك باعىتتاردى دامىتىپ كەلە جاتقانىن، مۇنىڭ تۋريستەردى بۇكىل جىل بويى قابىلداۋعا مۇمكىندىك بەرەتىنىن العا تارتتى. سونىمەن قاتار، نۋري شيمشەكلەر مىرزا تۋريستەردىڭ شامامەن 12 مىڭ جىل بۇرىن سالىنعان، شانلىۋرفا قالاسىندا ورنالاسقان الەمدەگى ەڭ كونە قونىس گوبەكلي-تەپە، سونداي-اق كونيا قالاسىندا 9 مىڭ جىل بۇرىن ىرگەتاسى قالانعان ءىرى قونىس چاتالحويۇك سياقتى مادەني تۇرعىدان قۇندى ءارتۇرلى تاريحي ورىندارعا اسا قىزىعۋشىلىق تانىتاتىنىن ايتتى. كەڭەسشىنىڭ سوزىنشە، تۇركيا تۋريستەر ەڭ ءجيى كەلەتىن ەلدەردىڭ كوشىن باستاپ، الەمنىڭ ءارتۇرلى 110 ەلىنەن كەلگەن تۋريستەردى قابىلداعان. تۇركياعا ادەتتەگى دەمالىس ءۇشىن كەلەتىن تۋريستەردەن بولەك، جىل سايىن بۇل ەلگە ءارتۇرلى ەلدەردىڭ باسشىلارى، مينيسترلەر، الەمگە تانىمال ارتىستەر، تانىمال سپورت كلۋبتارىنىڭ وكىلدەرى جانە باسقا دا جوعارى دەڭگەيلى قوناقتار كەلەدى. «تۇركيادا قوعامنىڭ كەز كەلگەن ساناتىنداعى، بيۋدجەتى ءارتۇرلى تۋريستەردىڭ دەمالۋى ءۇشىن سان الۋان مۇمكىندىكتەر قاراستىرىلعان. تۋريزم سەكتورىنىڭ ەلىمىزدىڭ بيۋدجەتىنە بەلگىلى ءبىر تابىس اكەلەتىنىنە قاراماستان، ءبىز ءۇشىن تۋريزم، ەڭ اۋەلى، ءبىزدىڭ قوناقجايلىلىعىمىزدى كورسەتۋ جانە باي مادەنيەتىمىزدى دارىپتەۋ قۇرالى بولىپ تابىلادى»، – دەدى نۋري شيمشەكلەر. 15 – 22 ءساۋىر ارالىعىندا دۇنيەجۇزىلىك تۋريزم اپتاسىنىڭ وتكىزىلۋىنە وراي، نۋري شيمشەكلەر تۋريستىك سەكتوردا ەڭبەك ەتەتىن بارلىق جۇمىسكەرلەردى، اسىرەسە تۇركيا مەن قازاقستانداعى جۇمىسكەرلەردى قۇتتىقتادى. تەڭىز تۋريزمىمەن قاتار، تۇركيا جىل بويى قىسقى تۋريزم، مادەني تۋريزم، تاۋ ءتۋريزمى، دالالىق تۋريزم، سپورت ءتۋريزمى، گاسترونوميالىق تۋريزم، ساۋدا ءتۋريزمى، ساۋىقتىرۋ ءتۋريزمى، كونگرەسس تۋريزم، وتاۋ قۇرۋ ءتۋريزمى جانە ت.ب. ءارتۇرلى باعىتتار بويىنشا تۋريستەردى قابىلدايدى.
