س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىندە جۋرناليستيكا ماماندىعى بويىنشا حI پاندىك وليمپيادانىڭ اشىلۋ سالتاناتى ءوتتى.

شارا ۋنيۆەرسيتەتتىڭ ونەرلى جاستارى كونسەرتتىك باعدارلاما ۇسىنىپ، كەلگەن قوناقتارعا تاماشا كوڭىل-كۇي سىيلادى. كەش اياسىندا ءدۇبىرلى دوداعا رەسپۋبليكانىڭ ءار تۇپكىرىندەگى 17 جوو كەلگەن توپتار تانىستىرىلدى. اتاپ ايتاتىن بولساق، ل. ن. گۋميليەۆ اتىنداعى ەۇۋ، ءال-فارابي اتىنداعى قازۇۋ،  ە.ا. بوكەتوۆ اتىنداعى قارمۋ،  س.تورايعىروۆ اتىنداعى پمۋ، ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى،  ياسساۋي اتىنداعى حالىقارالىق قازاق-تۇرىك ۋنيۆەرسيتەتى، سۇلەيمان دەميرەل اتىنداعى ۋنيۆەرسيتەت جانە ت.ب. بار.

وليمپيادا  ءساۋىر ايىنىڭ 15-16 ارالىعىندا وتكىزىلەدى. «ۇلى دالانىڭ ۇلاعاتى»  تاقىرىبىنا ءار كوماندا بەس مينۋتتىق بەينەروليك تانىستىردى. سونداي-اق جەرەبە ارقىلى الىنعان تاقىرىپتارعا سايكەس ەسسە جازدى. گيد ستۋدەنتتەر سايىس قاتىسۋشىلارىنا پاۆلودار قالاسىنىڭ اسەم جەرلەرىن كورسەتتى. ەكسكۋرسيا بارىسىندا ءماشھۇر ءجۇسىپ مەشىتى، بۇقار جىراۋ اتىنداعى وبلىستىق ادەبيەت جانە ونەر مۇراجايى، ەرتىس جاعالاۋى تانىستىرىلدى.

بايقاۋدىڭ ەكىنشى كۇنىندە «قازاق جۋرناليستيكاسىنىڭ تاريحى»، «جاڭا مەديا جانە ينتەرنەت جۋرناليستيكا»، «تەلەراديوجۋرناليستيكا» بويىنشا تەست سۇراقتارى بەرىلدى. رەسپۋبليكالىق ءپان وليمپياداسىنىڭ ءماقساتى-تورتىنشى بيلىك يەسى، بولاشاق جۋرناليستەردىڭ تانىمىن كەڭەيتىپ، شەبەرلىگىن ارتتىرۋ. جۋرناليستىك قابىلەت-قارىمدى ايقىنداپ، وتاندىق باق-تى الەمدىك دەڭگەيگە كوتەرۋ. رەسپۋبليكالىق ءپان وليمپياداسىنىڭ جەڭىمپازدارى كوماندالىق ەسەپتە انىقتالادى. جەڭىمپازدار ق ر ءبىلىم جانە عىلىم ءمينسيترىنىڭ جانە س.تورايعىروۆ اتىنداعى پاۆلودار مەملەكەتتىك ۋنيۆەرسيتەتى رەكتورىنىڭ ديپلومدارىمەن ماراپاتتالادى.