الماتى وبلىسى اكىمدىگىنىڭ قولداۋىمەن الماتى قالاسىنىڭ ىرگەسىندەگى «بايسەركە-اگرو» اتشابارىندا ءوتىپ جاتقان جاستار اراسىنداعى ءى ازيا چەمپيوناتى بۇگىن تەڭگە الۋ سپورت تۇرىمەن جالعاسادى دەپ حابارلايدى Qamshy.kz اقپارات اگەنتتىگى.

ق ر مادەنيەت جانە سپورت مينيسترلىگىنىڭ جىلدىق كۇنتىزبەلىك جوسپارىنا سايكەس ق ر ۇلتتىق سپورت قاۋىمداستىعىنىڭ ۇيىمداستىرۋىمەن ءوتىپ جاتقان بايراقتى باسەكەدە قازاقستان، رەسەي، جۇڭگو، ۆەنگريا، مونعوليا، مالايزيا، تۇركيا، وزبەكستان، تاجىكستان، اۋعانستان، قىرعىزستان سەكىلدى جالپى جيىنى 10 مەملەكەتتىڭ ەڭ ۇزدىك سپورتشى جاستار كوماندالارى ب ا ق سىناپ جاتىر.

تەڭگە ىلۋدەن وتەتىن جارىس ساعات 15:00-دە باستالادى. ءدال وسى كۇنى جەڭىمپازداردىڭ دا ەسىمدەرى بەلگىلى بولادى. بۇل سپورت ءتۇرى بويىنشا قازاق ەلىنىڭ نامىسىن ءىزجانوۆ عالىمجان، ەلجانوۆ نۇرجان ەسىمدى سپورتشىلار قورعايدى. ال، چەمپيوناتتىڭ جالپى جۇلدە قورى 16 000 000 تەڭگەگە جۋىق قارجىنى قۇرايدى.

ۇلتتىق ات سپورتى تۇرلەرىنەن ءوتىپ جاتقان جارىسقا «قازاقستان رترك» اق باستى اقپاراتتىق قولداۋ كورسەتىپ وتىر. چەمپيونات باستالعان كۇننەن باستاپ «قازسپورت» تەلەارناسى اتشاباردا ءوتىپ جاتقان باسەكەلەردى جۇرتشىلىق نازارىنا ۇسىنۋدا.

ايتا كەتەيىك، جاستار جىلى قارساڭىندا وتەتىن باسەكەگە تۇرىك ىنتىماقتاستىق جانە ۇيلەستىرۋ اگەنتتىگى (TIKA) دە قولداۋ ءبىلدىرىپ وتىر. چەمپيوناتتىڭ باس سەرىكتەسى – «سامۇرىق-قازىنا» ۇلتتىق ءال-اۋقات قورى».

ۇسىنعان: نازەركە لابيحان