الماتى قالاسىنداعى حالىققا قىزمەت كورسەتۋ ورتالىقتارىنا مەكەن-جاي انىقتاماسىن الۋ قىزمەتىنە جۇگىنگەن ستۋدەنتتەر سانى كۇرت ارتقان دەگەن قاۋەسەت جەلدەي ەسىپ ءجۇر. ماسەلەنىڭ ءمان-جايىن انىقتاماق بولعان ازاتتىق ءتىلشىسى جۋرناليستىك زەرتتەۋ ءارى ساۋالناما جاساعان-دى.
العاش بولىپ كامەرا نىسانىنا ىلىككەن ستۋدەنت قىز مەكەن-جاي انىقتاماسىن فاكۋلتەت باسشىلىعى سۇراتقانىن ايتادى. ءبىراق وعان قۇجاتتىڭ نە ءۇشىن قاجەت بولعانىن ءتۇسىندىرىپ بەرەتىن ادام تابىلماپتى-مىس.
ستۋدەنت قىزدان مەكەن-جاي انىقتاماسىنىڭ قاجەتتىلىگى نە ءۇشىن تۋىنداعانىن قايتا سۇراعاندا، ول «سايلاۋعا شىعار...» دەگەن ءدۇدامال جاۋاپ قايتاردى. ءجۋرناليستىڭ ەكىنشى وعى (سۇراق) اتىلدى:
- سىزدەردى سايلاۋعا دايىنداپ جاتىر ما سوندا؟
- ءيا...
ءتىلشى مەدەۋ اۋداندىق حقو-دان شىعىپ، شاھارداعى ەڭ بەلدى ۋنيۆەرسيتەتكە بەت الدى. ۋنيۆەرسيتەتتىڭ باس عيماراتى الدىندا ءال-فارابي اتىنداعى قازۇۋ رەكتورى – عالىمقايىر مۇتانوۆتى جولىقتىرىپ، ودان اتالمىش جاعدايعا قاتىستى پىكىر ءبىلدىرۋىن سۇرادى.
ءبىراق جوو باسشىسى "كەرەمەت" ستۋدەنتتەر مەن ماگيسترانتتارعا قىزمەت كورسەتۋ ورتالىعىنىڭ جۇمىس جاساپ تۇرعانىن، ستۋدەنتتەردىڭ اۋداندىق حقو قىزمەتتەرىنە جۇگىنبەيتىنىن العا تارتتى.
دەسەك تە، اۋداندىق حقو باسشىسى سوڭعى ەكى كۇندە اتالعان قىزمەتتى الۋ ماقساتىندا كەلەتىن ستۋدەنتتەردىڭ سانى كۇرت ارتقان.
"ولارعا مەكەن-جاي انىقتاماسىنىڭ نەگە كەرەك بولعانىن، نە ماقساتتا سۇراتقانىنان ءبىز بەيحابارمىز. بىزگە كەلگەن ستۋدەنتتەردىڭ دەنى ءتورت ۋنيۆەرسيتەتتەن: ءال-فارابي ات. قازۇۋ، قازاق ۇلتتىق اگرارلىق ۋنيۆەرسيتەتى، قازاق ۇلتتىق تەحنيكالىق ۋنيۆەرسيتەتى جانە تۇران ۋنيۆەرسيتەتى"، - دەيدى مەدەۋ اۋداندىق حقو باسشىسى الماگۇل اتاعاروۆا.
ەكىنشى بولىپ پىكىر ايتۋعا ىقىلاس تانىتقان ستۋدەنت جىگىت ءوزىنىڭ ءمۇعالىم تاپسىرماسىمەن كەلگەنىن جايىپ سالدى.
"بىزگە فاكۋلتەت باسشىلىعىنان مەكەن-جاي انىقتاماسىن وتكىزۋ تۋرالى بۇيرىق كەلدى. اپتا سوڭىنا دەيىن تاپسىرۋدى مىندەتتەدى. نە ءۇشىن ەكەنىن تۇسىندىرگەن دە جوق"، - دەيدى قازۇۋ ستۋدەنتى.
سونىمەن قاتار، ءتىلشى ءال-فارابي اتىنداعى قازۇۋ-دىڭ زاڭ فاكۋلتەتىنە دە باردى كوكەيتەستى ساۋالدارىن ارقالاپ.
"ءبىز ونى سۇراتقان جوقپىز، سۇراتپايمىز دا. بىزدە ۋنيۆەرسيتەت جۇيەسى بار. سول جۇيەدە ءار ستۋدەنتتىڭ انكەتاسى ورنالاسقان. بىزگە مەكەن-جاي انىقتاماسىنىڭ كەرەگى نە؟!" - دەيدى فاكۋلتەت دەكاناتىنىڭ قىزمەتكەرى ايكوركەم ءادىلوۆا.
وقۋ ەشقاشان ورعا يتەرمەيدى، ال ۇستاز ۇراعا جىعىپ جۇرمەسىن: ستۋدەنتتەردىڭ دەموكراتيالىق قۇقىقتارىنا قول سۇعۋشىلىق ورىن الماۋى ءتيىس.
پىكىر قالدىرۋ