تايلاند كورولى ماحا ۆاچيرالونگكورن (راما ح) ءوزىنىڭ سۇيىكتىسى، گەنەرال  سۋتحيدا ۆاچيرالونگكورنمەن نەكەسىن قيعانى تۋرالى مالىمدەدى دەپ حابارلايدى Qamshy.kz اقپارات اگەنتتىگى  lenta.ru سايتىنىڭ دەرەكتەرىنە سۇيەنە وتىرىپ.

كورولدىڭ جارىنىڭ گەنەرال اسكەري شەنى بار دەپ حابارلايدى تاسس. نەكەنىڭ قاشان قيىلعانى بەلگىسىز، الايدا ول تۋرالى رەسمي  اقپارات تەك ءقازىر تاراپ وتىر. ال ونىڭ بۇعان دەيىنگى نەكەسى رەسمي تۇردە ءتورت جىل ءوتىپ، مۇراگەر دۇنيەگە كەلگەننەن كەيىن حابارلانعان.

بۇل 66 جاسار مونارحتىڭ ءتورتىنشى نەكەسى.

40 جاستاعى سۋتحيدا  كورولدىڭ جەكە كۇزەتىنىڭ باسشىسى بولىپ قىزمەت اتقارادى. بۇرىن ول Thai Airways اۋەكومپانياسىندا ستيۋاردەسسا بولىپ جۇمىس ىستەگەن. سوسىن تاق مۇراگەرى ۆاچيرالونگكورن اۋلەتىنىڭ كۇزەت كومانديرى مىندەتىن اتقارۋ قىزمەتىنە تاعايىندالعان. راما ح وعان تانۋينگ (حانىم) شەنىن سىيعا تارتتى.

راما ءح-تى ۇلىقتاۋ ءراسىمى 4-6 مامىردا وتپەك. الايدا ول مەملەكەتتى 2016 جىلدىڭ اياعىنان باستاپ باسقارىپ كەلەدى. مونارح تاققا وتىرعاننان كەيىن رەسمي تۇردە ءتاج كيگىزىپ، ۇلىقتاۋ ءراسىمى - ۇلتتىق ءداستۇردىڭ ءبىر بولىگى. قازىرگى كورولدىڭ اكەسى دە بيلىك باسىنا كەلىپ، ءتورت جىل وتكەننەن كەيىن ۇلىقتاۋ ءراسىمىن وتكىزگەن.