امەريكا عالىمدارى تەمەكىگە تاۋەلدىلىكتەن ارىلتۋدىڭ ءجۇز پايىز جۇزەگە اساتىن جاڭا جولىن ويلاپ تاپتى دەپ حابارلايدى Qamshy.kz اقپارات اگەنتتىگى New England Journal of Medicine باسلىمىنا سىلتەمە جاساپ.

زەرتتەۋ جۇمىستارىنا 6000-عا جۋىق ادام قاتىسقان. ەرىكتىلەر توپ-توپقا ءبولىنىپ، ءار توپقا زيان ادەتتەن ارىلتۋدىڭ سان ءتۇرلى ادىستەرى قولدانىلعان. ءبىر توپقا تەك قانا تەمەكىنىڭ دەنساۋلىققا قانشىلىقتى كەرى اسەرى بار ەكەنى تۋرالى اقپارات بەرىلسە، كەلەسى ءبىر توپقا ەلەكتروندىق تەمەكىلەرگە ءوتۋ ۇسىنىلعان. ال ەندىگى ءبىر توپقا قارجىلاي سىياقى ۋادە ەتىلگەن. كىمدە كىم التى اي بويى تەمەكى تارتپايتىن بولسا، سول ادامعا 600 دوللار تولەنەتىنىن ايتقان.

زەرتتەۋ ناتيجەسى بويىنشا، اقشالاي سىياقى ۇسىنىلعان توپ ەداۋىر جاقسى كورسەتكىشتەرگە قول جەتكىزگەن. تەمەكىدەن تىيۋدىڭ ءداستۇرلى ادىستەرى 0،5 پايىزدان 1 پايىزعا دەيىنگى عانا ناتيجە بەرسە، ال تىڭ ءتاسىل بويىنشا سىنالعانداردىڭ كورسەتكىشى الدىنعىلارمەن سالىستىرعاندا بىرنەشە ەسەگە كوپ.

مامانداردىڭ پىكىرىنشە، بۇل جاڭا ءادىس ءوز قىزمەتكەرلەرىنە جامان ادەتتەن ارىلۋعا كومەكتەسكىسى كەلەتىن كومپانيالار مەن كاسىپورىندار ءۇشىن پايدالى باستاما بولماق.

اۋدارعان: داۋرەن سىبانباي