ەلىمىزدە 2015-2018 ارالىعىندا اقش ەلشىسىنىڭ قىزمەتىن اتقارعان دجورج كەرول ءوز ورنىن 57 جاستاعى ۋيليام موزەرگە بوساتتى.
ۋيليام موزەر – امەريكانىڭ سىرتقى ساياسات سالاسىندا جوعارى جەتىستىكتەرگە جەتكەن كورنەكتى قىزمەتكەر. موزەر 1984 جىلدان بەرگى ديپلوماتيالىق قىزمەتى بارىسىندا ۋكراينا، قازاقستان، ەگيپەت، سۋرينام جانە مالي ەلدەرىندە جۇمىس جاسادى.
2015 – 2017 جىلدارى شەتەلدەگى ديپلوماتيالىق وكىلدىكتەردىڭ عيماراتتارىن پايدالانۋ جونىندەگى بيۋرو ديرەكتورىنىڭ ءبىرىنشى ورىنباسارى جانە 2006 جىلدان 2011 جىلعا دەيىن اقش مەملەكەتتىك حاتشىسىنىڭ ماتەريالدىق-تەحنيكالىق قامتاماسىز ەتۋدى باسقارۋ جونىندەگى كومەكشىسىنىڭ ورىنباسارى قىزمەتتەرىن اتقاردى.
ول ۆاشينگتون قالاسىندا اقش مەملەكەتتىك دەپارتامەنتىنىڭ جاھاندىق قولداۋ كورسەتۋ مەن يننوۆاسيالىق ماسەلەلەر جونىندەگى ديرەكتورى، ەۋروپا جانە ەۋرازيا ىستەرى جونىندەگى اتقارۋشى ديرەكتوردىڭ ورىنباسارى، تاياۋ شىعىس جانە وڭتۇستىك ازيا ىستەرى جونىندەگى بيۋرونىڭ ديپلوماتيالىق وكىلدىكتەردى باسقارۋ ءبولىمىنىڭ باسشىسى، ساياسي-اسكەري ماسەلەلەر جونىندەگى بيۋرونىڭ ساياسي-اسكەري ماسەلەلەر بويىنشا كەڭەسشىسى لاۋازىمدارىن اتقارعان.
جاڭا ەلشىنىڭ قويىلۋىمەن قازاقستاندا امەريكالىق ديپلوماتتار سانى كوبەيە باستادى. قازاقستاندىق جۋرناليست ءىبراش نۇسىپبايەۆتىڭ ايتۋىنشا، اق ءۇي بۇل قاداممەن ورتا ازيا جانە قازاقستان ازاماتتارىنا نازار اۋدارتۋ ءۇشىن ناسيحاتتىق اقپاراتتىق جەلى سالاتىنىنا سەنىمدى.
موزەردىڭ بۇل قازاقستانعا ەكىنشى رەت كەلۋى: ول مانسابىنىڭ ءبىرشاما مەرزىمىن ەلىمىزدە اقش-قا قاراستى ەلشىلىكتىڭ ەنەرگەتيكا جانە ەكونوميكا ماسەلەسى بويىنشا اتتاشە بولىپ قىزمەت ەتكەن.
ول قاراپايىم امەريكالىق ساياساتتىڭ يستەبليشمەنت وكىلى... 2013 جىلى مولدوۆادا ەلشى بولعان كەزدە لگبت-ۇجىمدارىن قولداپ، ءتىپتى كيشەنيەۆتەگى وتكەن العاشقى گەي-شەرۋگە قاتىسقان. ول ۋكرايناداعى قوزعالىستى "قاراپايىم حالىقتىڭ ناعىز دەموكراتياعا ۇمتىلۋى" دەپ ەسەپتەيدى.
"ءتۇستى ريەۆوليۋسيالار مايتالمانى" دەگەن لاقاپ اتى بار جاڭا ەلشىگە اقش-تىڭ مەملەكەتتىك دەپارتامەنتى ورتالىق ازياعا "دەموكراتيا اكەلۋ" ماقساتىندا 500 ميلليون دوللار ءبولدى دەگەن قاۋەسەت تارادى. ال ەندى سۇراق! ەلىمىزدە پرەزيدەنت تاڭداۋلارى الدىندا اقش-تىڭ ءبىزدىڭ ىشكى ساياساتىنا ارالاسپاۋىنا كىم كەپىل؟
اۆتور: يلدار اديلچەنوۆ
پىكىر قالدىرۋ