ۋكراينادا كريۆوي روگتان الىس ەمەس جەردە جولدا ءبىر توپ ادام جەڭىس كۇنىن مەرەكەلەيتىن ازاماتتارمەن جۇرەتىن اۆتوبۋسقا تاس اتىپ، پيعىلدارىنىڭ دۇرىس ەمسەتىگىن ءبىلدىردى. بۇل تۋرالى  Facebook جەلىسىندەگى پاراقشاسىندا جوعارى رادانىڭ دەپۋتاتى، "وپپوزيسيالىق بلوك"  پارتياسىنىڭ مۇشەسى الەكساندر ۆيلكۋل جازدى دەپ حابارلايدى Qamshy.kz اقپارات اگەنتتىگى.

"بالاكلاۆادا راديكالدى توپتىڭ ادامدارى  جەڭىس كۇنىن تويلايتىن ادامدارعا تاس لاقتىردى. بۇلىكشىلەر قوعامدىق كولىكتىڭ تەرەزەلەرىن سىندىرىپ، ءىزىم-عايىم جوق بولىپ  كەتتى"، - دەپ جازدى ول.

ۆيلكۋلدىڭ ايتۋىنشا، تەرگەۋ توبى ءىستىڭ انىق-قانىعىنا كوز جەتكىزىپ جاتىر. دەپۋتات تەرگەۋ بارىسىن ءجىتى قاداعالاپ وتىراتىنىن اتاپ ءوتتى.

اۆتوبۋسقا شابۋىل جاساعان ادامداردى، "مورالدىق مونسترلار" دەپ اتادى دەپۋتات.

"بالاكلاۆانىڭ ارتىندا جۇزدەرىن جاسىرىپ، زەينەتكەرلەرگە، بالالارى بار ادامدارعا شابۋىل جاسادى، ولار ءالى-اق وسى ىستەرىنە وكىنىپ، ءبىزدىڭ حالقىمىزدىڭ ناسىلشىلدىكتى جەڭگەن ەرلىگىنە قۇرمەتپەن قارايتىن بولادى"، - دەپ تولىقتىردى ءسوزىن ۆيلكۋل. ول ەلدەگى ءتارتىپتى قالپىنا كەلتىرۋگە جانە "باسكەسەر لاڭكەستەردى" تولىعىمەن جازاعا تارتۋدى ۇسىندى.

2017 جىلى بەيسەنبى كۇنى، 9-مامىردا ۋكراينا پرەزيدەنتى پەتر پوروشەنكو ۋكراينانىڭ سوڭعى بەس جىلدا ەكىنشى دۇنيەجۇزىلىك سوعىستاعى جەڭىس كۇنىن تويلاۋدىڭ ءوزىنىڭ ەلىنە تيەسىلى سەنارييىن جانە ءراسىمىن جاساپ شىعاردى، بۇل دۇنيە ەلدى جالپى ەۋروپالىق داستۇرگە جاقىنداتتى. ول ۋكراينالىقتاردىڭ "كرەمل جەڭىسىنەن ايىرىلعانىن" اتاپ ءوتتى. ول ەكىنشى دۇنيەجۇزىلىك سوعىستىڭ جەڭىسى بۇكىل الەم بويىنشا "اۋىرتپالىقتى" جويعانىن، حالىق قورقىنىشسىز ءومىر ءسۇرىپ جاتقانىن اتاپ وتكەن.

اۋدارعان: بەك بايتاس