قازاقستان رەسپۋبليكاسى پرەزيدەنتتىگىنە كانديداتتاردىڭ ءبىرى قاسىم-جومارت توقايەۆتىڭ دوسى اندرەي انتونەنكو بالالىق شاقتارىن ەسكە الدى دەپ حابارلايدى Qamshy.kz اقپارات اگەنتتىگى.

"كومسومولسكايا پراۆدا كازاحستان" گازەتى پرەزيدەنتتىككە ۇمىتكەردىڭ دوسىنان سۇحبات الىپ، ءبىرقاتار ەستەلىكتەردى ەسكە ءتۇسىردى.

ول ءوزىن سىنىپتان تىس جەردە دە وتە مادەنيەتتى ءارى ەركىن ۇستايتىن. سونىمەن قاتار، ەر بالالاردىڭ بارشاسىنىڭ باسىنان وتەتىن جۇدىرىقتاسۋلاردان دا قاشپايتىن. جومارت بارلىق ماسەلەنى بەيبىت جولمەن، سويلەسۋ ارقىلى شەشۋگە تىرىساتىن. ونىڭ ديپلوماتيالىق شەبەرلىگى سول كەزدەن-اق كوزگە ۇرىپ تۇراتىن.

دەگەنمەن، توبەلەسپەسكە بولماي بارا جاتسا، توقايەۆ توپ ارتىندا تاسالانىپ قالمايتىن. سونداي جاعدايلاردىڭ ءبىرى ءالى ەسىمدە. ءبىز مەكتەپتەن شىعىپ قاراعايلى ساياباققا بارعانبىز. قارسى كەلە جاتقان توپتا ءتورت جىگىت بار ەدى. اڭگىمە سول باياعى "تەمەكى بار ما؟" دەگەن سوزبەن باستالدى. جومارت تا باعزى داعدىسىنا باسىپ، تۇتانىپ كەلە جاتقان ماسەلەنى بەيبىت شەشۋگە تىرىسىپ-اق باققان. ءبىراق بۇل جولى ونىسىنان تۇك شىقپادى.

سول جەردە ءبىز كۇتپەگەن وقيعا بولدى. قارسى تاراپتىڭ ءبىر جىگىتى كۇتپەگەن جەردەن سوققى جاساپ قالدى. جومارت تا وسال ەمەس ەكەن. سول جولى ەكى جاق تا اۋىر جاراقاتسىز شىقتىق.

"ءبىر سوزبەن ايتقاندا، توقايەۆ مىنەزسىز جىگىت ەمەس ەدى. ونىڭ قانىمەن كەلگەن قاسيەتى بۇگىن دە بويىنان جوعالماعانىنا سەنەمىن"، - دەيدى دوسى. 

اۋدارعان: ادىلەت مادەنيەت