قاڭتار-اقپان ايلارى بويىنشا قازاقستاندا شاي يمپورتى 5،5 مىڭ تونناعا، نەمەسە 19،6 ميلليون دوللارعا جەتكەن دەپ حابارلايدى Qamshy.kz اقپارات اگەنتتىگى energyprom.kz/ru سايتىنا سىلتەمە جاساپ.

مامىر ايىندا قارا بايحا شايىنىڭ كەلىسى قازاقستاندىقتار ءۇشىن 2963،7 تەڭگەگە شىققان. ول ءبىر اي بۇرىنعى دەرەكتەرمەن سالىستىرساق 1%-عا، ءبىر جىل بۇرىنمەن سالىستىرعاندا 3،5%-عا قىمبات.

ەلىمىزدىڭ ءىرى قالالارىنىڭ ىشىندە قوستانايدا (كگ/3279 تگ – جىلىنا 1،9%)، الماتىدا (كگ/3268 تگ – جىلىنا 1%) جانە قاراعاندىدا (كگ/3140 تگ – جىلىنا 11،6%) قىمباتشىلىق بايقالادى.

شاي مەن كوفە ءوندىرىسى ءى توقساننىڭ قورىتىندىسى بويىنشا 4،4 مىڭ توننا، ياعني ءبىر جىل بۇرىنعىمەن سالىستىرعاندا 6،4%-عا از. ءوندىرىستىڭ نەگىزگى ۇلەسى (91،3%) الماتى قالاسىنا تيەسىلى (4 مىڭ توننا). قالادا كوفە جانە شاي وندىرەتىن «Tea نouse» ج ش س («اسسام»، «سيمبا»، «ناۋرىز»، «ينديرا»، «تەنگري»، «تاماشا»، Sunday) جانە Tealand، «RG Brands Kazakhstan» ج ش س («پيالا») كومپانيالارى بار.

كوفە مەن ءشاي نارىعى يمپورتتاۋدى قاجەت ەتەدى: 2019 جىلدىڭ قاڭتار-اقپان ايلارىنىڭ قورىتىندىسى بويىنشا جەكە ءوندىرىس سۇرانىستىڭ 28،9%-ىن عانا جاپقان.

سونىمەن قاتار تۇتىنۋ دەڭگەيى وسكەن: ىشكى نارىقتاعى قاجەتتىلىك ءبىر جىلدىڭ كولەمىندە 14،1%-عا ارتقان.

2019 جىلدىڭ قاڭتار-اقپان ايلارىندا قازاقستاندىقتاردىڭ سۇيىكتى سۋسىنىنىڭ يمپورتى 5،5، مىڭ توننا (+19،5% جىلىنا)، نەمەسە 19،6 ملن دوللارعا (+20،1% جىلىنا) جەتكەن.

بيىلعى جىلدىڭ قاڭتار-اقپان ايلارىندا قازاقستانعا شايدىڭ نەگىزگى جەتكىزۋشىلەرى كەنيا (2،5 مىڭ. توننا، 8،8 ملن دوللار)، ءۇندىستان (2،3 مىڭ. توننا، 7،5 ملن دوللار) جانە رەسەي (384،4 توننا، 2،4 ملن دوللار) ەلدەرى بولدى.

 ۇسىنعان: مارجان سابەت