13-مامىرعا قاراعان ءتۇنى شەرەمەتيەۆو اۋەجايىنان شىققان ۇشاق ءبىرشاما ۋاقىتتان كەيىن ماسكەۋگە قايتىپ ورالدى، دەپ حابارلايدى Qamshy.kz اقپارات اگەنتتىگى لايف سايتىنا سىلتەمە جاساپ.

ماسكەۋ – سامارا باعىتىنا شىققان "Sukhoi Superjet 100" ۇشاعىنىڭ قايتىپ كەلۋ سەبەبى – بورتتاعى تەحنيكالىق اقاۋلار بولىپ شىقتى.

ساماراعا باعىتتالعان ۇشاق كومانديرى كابيناعا اۋا تولۋىنا كەدەرگى بولعاندىقتان اۋەجايعا ورالاتىنى تۋرالى حابار بەردى. ۇشاقتى بىرنەشە ءورت ءسوندىرۋ بريگاداسى قارسى الدى. اۋە كەمەسىندەگى جولاۋشىلاردى ويداعىداي باسقاسىنا اۋىستىردى.

ەستەرىڭگە سالا كەتەيىك، شەرەمەتيەۆو اۋەجايىنداعى "اەروفلوت" اۋە كومپانياسىنىڭ Sukhoi Superjet 100 ۇشاعى اپاتقا ۇشىراپ، قايتىس بولعان ادامداردىڭ سانى 41-گە جەتكەن.

رەسەيلىك باق-تىڭ مالىمەتىنە سۇيەنسەك، بورتتا 78 ادام بولعان. ولاردىڭ 37ء-ى امان قالىپتى. قازىرگى تاڭدا 6 ادام اۋرۋحاناعا جاتقىزىلدى. ولاردىڭ ۇشەۋى اۋىر حالدە جاتىر.

اۋدارعان: يلدار اديلچەنوۆ