قىتايدان شىققان حاكەرلەر بىرنەشە جىلدار بويى رەسەيلىك مەملەكەتتىك قۇرىلىمدار مەن كومپانيالارىنىڭ پلاندى وپەراسيالىق جۇيەلەرىنە شابۋىل جاساپ كەلگەن. مۇنى Positive Technologies جانە «كاسپەرسكيي» كوماپانيالارى انىقتادى، دەپ جازادى Qamshy.kz اقپارات اگەنتتىگى «كوممەرسانت» سايتىنا سىلتەمە جاساپ.

Positive Technologies مالىمدەۋىنشە، حاكەرلىك توپ وزدەرىن TaskMasters دەپ اتايدى. بۇل توپ 9 جىلدان استام بەرى اقپارات ۇرلاۋمەن اينالىسادى. ءارتۇرلى سالادا جۇمىس جاسايتىن 30 كومپانيا حاكەرلەر قولدارىنان زارداپ شەككەن. توپ مۇشەلەرىنىڭ كولدانعان كودتاردا قىتايلىق IP-ادرەس ءجيى شىعىپ تۇرادى.

«كاسپەرسكيي» بايانداماسىندا ولار بۇل توپتى BlueTraveler دەپ اتاپ، 2016 جىلدان بەرى باقىلاۋعا الدى. كومپانيا مالىمەتىنشە، توپ مۇشەلەرى بىر-بىرىمەن جۇڭگو تىلىندە سويلەسەدى. توپتىڭ نەگىزگى شابۋىل جاساۋ ايماعى – رەسەي جانە تمد مەملەكەتتىك ورگاندارى بولىپ تۇرادى.

«كاسپەرسكيي» وكىلدەرىنىڭ ايتۋىنشا، وسىنداي شابۋىلداردىڭ ارتىندا ونەركاسىپتىك تىڭشىلىق نەمەسە ساياسي بارلاۋ بولۋى مۇمكىن.

 اۋدارعان: يلدار اديلچەنوۆ