سينوپتيكتەر 14-16 مامىر ايىنا ارنالعان اۋا-رايى بولجامىن جاريالادى دەپ حابارلادى Qamshy.kz اقپارات اگەنتتىگى Zakon.kz سايتىنا سىلتەمە جاساپ.
رمك «قازگيدرومەت» اقپاراتىنا سۇيەنسەك، ەلىمىزدىڭ كوپتەگەن ايماقتارىندا كۇن سۋىتادى. وعان سولتۇستىك ورالدان اۋىسىپ جاتقان سۋىق اركتيكالىق اۋا ماسساسى سەبەپ.
الداعى كۇندەردەن باستاپ سولتۇستىك وبلىستاردا، كۇندىز ورتالىقتا كۇن كۇركىرەپ، جاڭبىر جاۋىپ، اۋا تەمپەراتۋراسى كۇرت تومەندەۋى مۇمكىن. كۇندىزگى +30 گرادۋستىق ىستىق، +17-22 گرادۋسقا دەيىن تومەندەيدى.
رەسپۋبليكامىزدىڭ شىعىسىندا الداعى تۇندەردە جاڭبىر ارتى قارعا ۇلاسىپ، +0-5 اۋا تەمپەراتۋراسىن كورسەتەدى.
ال قازاقستاننىڭ وزگە وڭىرلەرىندە ازداعان جاڭبىر جاۋىپ، كۇن سۋىتادى.
