2019 جىلى 26 ساۋىردە كولۋمبيا وكرۋگىنىڭ وكرۋگتىك سوتى (اكش) امەريكالىق كومپانيالاردىڭ - Turan Petroleum، Inc. (دەلاۆەر شتاتى)، Energyfund، Inc. (كولۋمبيا وكرۋگى) جانە Trustees for Trek Resources، Inc. (نيەۆادا شتاتى) (بۇدان ءارى - تالاپكەرلەر) قازاقستان رەسپۋبليكاسىنىڭ ەنەرگەتيكا مينيسترلىگىنە قارسى (قازاقستان رەسپۋبليكاسىنىڭ مۇناي جانە گاز مينيسترلىگى) 180 ملن اقش دوللارىنان اساتىن كولەمدەگى تالاپ-ارىزىن قابىلدامادى دەپ حابارلايدى Qamshy.kz اقپارات اگەنتتىگى ق ر ادىلەت مينيسترلىگىنىڭ http://www.adilet.gov.kz سايتىنا سىلتەمە جاساپ.

تالاپ-ارىزعا سايكەس ارىس جانە ارال مۇناي-گاز كەن ورىندارىن يگەرۋ جانە پايدالانۋ تۋرالى كونسەسسيالىق كەلىسىمشارتتاردىڭ تالاپتارى، سونىمەن قاتار اقش پەن قازاقستان اراسىنداعى ينۆەستيسيالاردى كوتەرمەلەۋ جانە ءوزارا قورعاۋ تۋرالى كەلىسىم («ەكىجاقتى ينۆەستيسيالىق كەلىسىم») بويىنشا تالاپكەرلەردىڭ قۇقىقتارى بۇزىلعانى، فيدۋسيارلىق مىندەتتەر ورىندالماعانى، ادىلەتسىز تۇردە پايدا تابۋ، فاكتىلەردى بۇرمالاۋ جانە نەمقۇرايلىلىق بەلگىلەرى انىقتالعان.

سوت بۇل ءىستى اقش-تىڭ «شەتەلدىك تاۋەلسىز يممۋنيتەتتەر تۋرالى» زاڭىن نەگىزگە الا وتىرىپ، يۋريسديكسيا بولماعاندىقتان قاراۋىنا  المادى.