شۆەسيا پروكۋراتۋراسى WikiLeaks سايتىنىڭ نەگىزىن قالاۋشى دجۋليان اسسانجعا قارسى تەرگەۋدى قايتا قوزعادى، دەپ جازادى Qamshy.kz اقپارات اگەنتتىگى ريا نوۆوستي سايتىنا سىلتەمە جاساپ.
«اسسانجدىڭ كىناسىن ايقىندايتىن ايتارلىقتاي نەگىز بار. تەرگەۋدى جابۋ تۋرالى شەشىم ونىڭ سوتقا قاتىسا الماعاندىقتان قابىلداندى»، - دەدى ايماقتىق باس پروكۋروردىڭ ورىنباسارى ەۆا-ماريا پەرسسون.
ونىڭ ايتۋىنشا، «ۇلىبريتانياداعى جازاسىن وتەگەنەن كەيىن» شۆەسيا WikiLeaks سايتىنىڭ نەگىزىن قالاۋشىسىن ەكستراديسيالاۋىن سۇرايدى. ولار 2019 جىلدىڭ تامىز ايىنا دەيىن جاۋاپ كۇتەتىنىن حابارلادى.
سونىمەن قاتار، اسسانجدان ۆيدەوبايلانىس ارقىلى جاۋاپ الۋعا بولاتىنىن جەتكىزدى.
ەستەرىڭىزگە سالا كەتەيىك، 2010 جىلى سەكسۋالدى ءزابىر كورسەتۋ مەن زورلاۋ بويىنشا اسسانجعا ايىپ تاعىلدى. ال 2012 جىلى ول شۆەسياعا ەكستراديسيالانىپ كەتپەس ءۇشىن، ۇلىبريتانياداعى ەكۆادور ەلشىلىگىندە جاسىرىنىپ ءجۇردى.
اۋدارعان: يلدار اديلچەنوۆ
پىكىر قالدىرۋ