اقش كومپانيالارى قازاقستاندى سوتقا بەرگەن180 ملن دوللارلىق ىسكە نۇكتە قويىلدى دەپ حابارلايدى Qamshy.kz اقپارات اگەنتتىگى ادىلەت مينيسترلىگىنىڭ باسپا ءسوز قىزمەتىنە سىلتەمە جاساپ.

قازاقستاننىڭ ەنەرگەتيكا مينيسترلىگى مەن امەريكالىق كومپانيالار اراسىنداعى سوت ءىسى قازاقستاننىڭ پايداسىنا شەشىلدى.

2019 جىلى 26 ساۋىردە كولۋمبيا وكرۋگىنىڭ سوتى (اقش) امەريكالىق كومپانيالاردىڭ - Turan Petroleum، Inc. (دەلاۆەر شتاتى)، Energyfund، Inc. (كولۋمبيا وكرۋگى) جانە Trustees for Trek Resources، Inc. (نيەۆادا شتاتى) – قازاقستاننىڭ ەنەرگەتيكا مينيسترلىگىنە قارسى 180 ميلليون اقش دوللارىنان اساتىن تالاپ ارىزىن قابىلدامادى.

تالاپ-ارىزعا سايكەس ارىس جانە ارال مۇناي-گاز كەن ورىندارىن يگەرۋ جانە پايدالانۋ تۋرالى كونسەسسيالىق كەلىسىمشارتتار تالاپتارى بۇزىلعان، اقش پەن قازاقستان اراسىنداعى ينۆەستيسيالاردى كوتەرمەلەۋ جانە ءوزارا قورعاۋ تۋرالى كەلىسىم («ەكىجاقتى ينۆەستيسيالىق كەلىسىم») بويىنشا تالاپكەرلەردىڭ قۇقىقتارى  بۇزىلعان، فيدۋسيارلىق مىندەتتەر ورىندالماعان، ادىلەتسىز تۇردە پايدا تابىلعان، فاكتىلەردى بۇرمالاۋ جانە نەمقۇرايلىلىق ورىن العان.

سوت بۇل ءىستى اقش-تىڭ «شەتەلدىك تاۋەلسىز يممۋنيتەتتەر تۋرالى» زاڭىن نەگىزگە الا وتىرىپ، يۋريسديكسيا بولماعاندىقتان قاراۋىنا قابىل المادى.

وسىلايشا، كولۋمبيا وكرۋگتىك سوتىنىڭ (اكش) شەشىمى قازاقستان رەسپۋبليكاسىنىڭ وسى داۋعا قاتىستى ۇستانىمىنىڭ دۇرىستىعىن تولىقتاي راستادى جانە قازاقستان رەسپۋبليكاسى اۋماعىندا شەتەلدىك ينۆەستورلاردى جان-جاقتى قولداۋ بويىنشا قازاقستان رەسپۋبليكاسىنىڭ جۇرگىزىپ وتىرعان ساياساتىمەن ۇيلەسەدى.

وسى داۋدا قازاقستان رەسپۋبليكاسىنىڭ مۇددەلەرىن قازاقستان رەسپۋبليكاسىنىڭ ادىلەت مينيسترلىگى جانە قازاقستان رەسپۋبليكاسى ۇكىمەتىنىڭ كونسۋلتانتى  - «Reed Smith» كومپانياسى قورعادى.

ۇسىنعان: ماقپال سەمباي