بۇگىن 13 مامىر دۇيسەنبى كۇنى نۇرلان نوعايەۆ كانادانىڭ قازاقستانداعى توتەنشە جانە وكىلەتتى ەلشىسى نيكولاس برۋسستى قابىلدادى.
ايماق باسشىسى اتاپ وتكەندەي، قازاقستان رەسپۋبليكاسىنىڭ تاۋەلسىزدىك العان كۇنىنەن باستاپ ەكى ەل ساۋدا-ەكونوميكالىق ىنتىماقتاستىقتىڭ ءتۇرلى سالالارىندا دوستىق قارىم-قاتىناس ورناتتى.
- ءبىزدىڭ وبلىسىمىزدا ينۆەستيسيالاۋعا بولاتىن باعىتتار مەن سالالار جەتكىلىكتى. اتىراۋ - ەلىمىزدىڭ ەڭ ينۆەستيسيالىق تارتىمدى ايماقتارىنىڭ ءبىرى. بۇگىنگى تاڭدا، اتىراۋ وبلىسىندا كانادالىق كاپيتالدىڭ قاتىسۋىمەن 11 كاسىپورىن تىركەلگەن، بۇل ساندى ءوزارا ءتيىمدى ارتتىرۋعا بولادى. ينۆەستيسيالاردى تارتۋ ءۇشىن بارلىق قولايلى جاعدايلار جاساۋ ءبىزدىڭ باستى مىندەتىمىز بولىپ تابىلادى، - دەدى اتىراۋ وبلىسىنىڭ اكىمى نۇرلان نوعايەۆ.
ءوز كەزەگىندە كانادانىڭ ەلشىسى ءوز ەلىنىڭ كليماتتىق جاعدايلارى اتىراۋ وبلىسىمەن ۇقساستىعىن ايتتى، سونىمەن بىرگە كانادالىق كاسىپكەرلەردىڭ اتىراۋ وبلىسىن ينۆەستيسيالاۋعا ۇلكەن قىزىعۋشىلىعى بارىن دا اتاپ ءوتتى.
ايتا كەتەيىك، ينۆەستيسيالىق احۋالدى جاقسارتۋ جانە شەتەل ينۆەستورلارىنىڭ قىزمەتىنە قولايلى جاعداي جاساۋ ءۇشىن «اتىراۋ Innovatinos» ج ش س جانە «Kazakh Invest» اق-نىڭ ايماقتىق ءوفيسى جۇمىس ىستەيدى. وسى كومپانيالاردىڭ نەگىزگى ماقساتتارىنىڭ ءبىرى - جوبانىڭ كەز-كەلگەن ساتىسىندا وتاندىق جانە شەتەلدىك ينۆەستورلارعا ساپالى جانە جەدەل كومەك كورسەتۋ، سونداي-اق، قازاقستان رەسپۋبليكاسىنىڭ زاڭناماسى مەن راسىمدەرىنە قاتىستى ماسەلەلەر بويىنشا اقپاراتتىق-اناليتيكالىق جانە سەرۆيستىك قولداۋ كورسەتۋ.
پىكىر قالدىرۋ