سوڭعى جىلدارى ەلىمىزدىڭ كوپتەگەن بوكسشىلارى كاسىپقوي رينگكە ءوتتى. بوكسشىلاردىڭ رەيتينگىن جاريالاپ وتىراتىن boxrec.com سايتىنىڭ مالىمەتىنە سۇيەنسەك، قازىرىگى تاڭدا كاسىپقوي رينگتە  68 قازاقستاندىق بوكسشى جۇدىرىقتاسىپ ءجۇر. Qamshy.kz اقپارات اگەنتتىگى سول 68 بوكسشىنىڭ اراسىنان ۇزدىك وندىقتىڭ ءتىزىمىن ۇسىنادى.

2. باتىرجان جۇكەمبايەۆ

كاسىپقوي رينگتەگى جەكپە-جەكتەرىن كانادادا وتكىزەتىن باتىر جۇكەمبايەۆ قازاقستاندىق كاسىپقوي بوكسشىلاردىڭ اراسىندا ەكىنشى ورىندا كەلەدى. وسى ۋاقىتقا دەيىن 15 رەت جەڭىسكە جەتكەن باتىر كەلەسى كەزدەسۋىن دە كانادانىڭ مونرەال قالاسىندا وتكىزەدى. ءدال ءقازىر جۇكەمبايەۆ جارتىلاي ورتا سالماقتاعى 1680 بوكسشىنىڭ اراسىندا 28 ورىندا تۇر.

3. نۇرزات سابيروۆ

شىمكەنت بوكس مەكتەبىنىڭ تۇلەگى نۇرزات سابيروۆ 2017 جىلدان بەرى كاسىپقوي بوكستا سىنعا ءتۇسىپ ءجۇر. كاسىپقويلار اراسىندا 9 جەكپە-جەك وتكىزىپ، بارلىعىندا جەڭىسكە جەتكەن سابيروۆ كەلەسى كەزدەسۋىن 29 ماۋسىمدا وتكىزۋدى جوسپارلاپ وتىر. ازىرگە قارسىلاسى بەلگىسىز.

4. بەيبىت شۇمەنوۆ

شىمكەنت بوكس مەكتەبىنىڭ تاعى ءبىر تۇلەگى بەيبىت شۇمەنوۆ 4 ورىندا. ول 2018 جىلدىڭ 7 شىلدەسىنەن باستاپ رينگكە شىقپادى. سوڭعى كەزدەسۋىندە ول تۇرىك بوكسشىسى حيزني التۋنكايانى جەڭىپ، اۋىر سالماتاعى WBA Regular تۇجىرىمىنىڭ ۆاكانتتى چەمپيونى اتانعان بولاتىن.

5. نۇرسۇلتان جانابايەۆ

تارازدىق ن.جانابايەۆ قازاقستاندىق بوكسشىلاردىڭ اراسىندا 5 ورىندا كەلەدى. ول سوڭعى جەكپە-جەگىندە تاجىريبەلى ۆەنەسۋالىق بوكسشى يۆان ماتۋدتى تەحنيكالىق نوكاۋتپەن جەڭگەن بولاتىن. 

6. سادريددين احمەدوۆ

اۋەسقوي بوكستا جۇرگەن كەزدىڭ وزىندە جويقىن سوققىلارىمەن تانىلعان سادريددين احمەدوۆ كاسىپقويلار اراسىندا دا جويقىن جۇدىرىعىمەن تالاي مىقتىنىڭ مىسىن باستى. سوڭعى رەت 24 ساۋىردە الماتىدا وتكەن بوكس كەشىندە يندونەزيالىق بوكسشى دجون رۋبانى ۇتىپ، WBC ASIA بەلبەۋىن يەمدەگەن احمەدوۆ كەلەسى كەزدەسۋىن 29 ماۋسىمدا وتكىزۋدى  جوسپارلاپ وتىر. الايدا، قارسىلاسى ءالى بەلگىسىز.

7. ايدوس ەربوسىن ۇلى

رەيتينگتىڭ كەلەسى ساتىسىندا ايدوس ەربوسىن ۇلى تۇر. سۋپەر ورتا سالماقتا جۇدىرىقتاساتىن جاركەنتتىك بوكسشىنىڭ قورجىنىندا  WBC Asia، WBO Global بەلبەۋلەرى بار بولاتىن. ال 24 ساۋىردە الماتىدا وتكەن بوكس كەشىندە  نامبيالىق بوكسشى لۋكاس ندافولۋمانى جەڭگەن ەربوسىن ۇلى WBA International  بەلبەۋىنىڭ دە ۆاكانتتى چەمپيونى اتاندى.

8. ءالي احمەدوۆ

 ايدوس ەربوسىنۇلىمەن ءبىر سالماقتا جۇدىرىقتاساتىن ءالي احمەدوۆ 8 ورىندا تۇر. وسى كۇنگە دەيىن 14 رەت جەڭىسكە جەتكەن احمەدوۆ كەزەكتى جەكپە-جەگىن 8 ماۋسىمداعى گولوۆكين – روللاس كەزدەسۋىنىڭ انتەركاردىندا امەريكالىق  بوكسشى ابراحام حانعا قارسى وتكىزەدى.

9. جانىبەك ءالىمحان ۇلى

اۋەسقوي بوكستا الەم چەمپيونى اتانعان جانىبەك ءالىمحان ۇلى كاسىپقوي بوكستا دا سول بيىكتى باعىندىرۋدى كوزدەيدى. ازىرگە ءالىمحان ۇلى قازاقستاندىق كاسىپقوي بوكس شەبەرلەرىنىڭ اراسىندا  9 ساتىدا.  گەناديي گولوۆكينمەن ءبىر سالماقتا جۇدىرىقتاساتىن ءالىمحانۇلىندا  WBO Global جانە WBC Continental Americas بەلبەۋلەرى بار.

10. بوبىرجان مومىنوۆ

ۇزدىك وندىقتى جارتىلاي ورتا سالماقتا جۇدىرىقتاساتىن بوبىرجان مومىنوۆ تۇيىندەپ تۇر. شىمكەنتتىك بوكسشى 2016 جىلدان بەرى كاسىپقوي بوكستا ءجۇر. شارشى الاڭعا 10 رەت شىعىپ، بارلىعىندا جەڭىسكە جەتكەن.