دەپۋتات گۇلجان قاراعۇسوۆا، ۇلتتىق بانك ۇلتتىق قورداعى قارجى تاپشىلىعىن شەشۋ ءۇشىن زەينەتاقى قورىنىڭ سالىمشىلارىنىڭ اقشاسىن پايدالانۋى مۇمكىن، - دەگەن الاڭداۋشىلىعىن جەتكىزدى. سونىمەن قاتار ول، بجزق-نىڭ نەگىزگى مىندەتى سالىمشىلاردىڭ اقشاسىن ساقتاپ قانا قويماي، ونى كوبەيتۋ جولدارىن قاراستىرۋى دا كەرەك ەكەنىن  اتاپ ءوتتى دەپ حابارلايدى Qamshy.kz اقپارات اگەنتتىگى tengrinews.kz سايتىنا سىلتەمە جاساپ.

بيۋدجەت كودەكسىنە سايكەس زەينەتاقى قورىنىڭ اكتيۆتەرىن باسقارۋ قىزمەتى ۇلتتىق قوردىڭ باسقارما كەڭەسىنە بەرىلگەن. ۇلتتىق بانككە دەپۋتاتتاردىڭ قويار ساۋالدارى كوپ.

«مەن ءقازىر زەينەتكەرمىن، جيناعان سالىمىم تەڭىزگە تامعان تامشىداي. ءبىراق مەنىڭ بالالارىمنىڭ جيناعانى (بار)... ءبىز ازاماتتاردىڭ جەكە سالىمى تۋرالى ايتىپ وتىرمىز. مەملەكەت تەك قانا ساقتاۋ ءۇشىن عانا ەمەس، اتالعان جيناقتى كوبەيتۋگە دە كەپىل بولادى. ويتكەنى ءاربىر ازامات زەينەتكەرلىككە شىققان كەزدە ءوزىنىڭ سالعان اقشاسىن تولىق الۋعا قۇقىلى»، - دەپ اتاپ ءوتتى قاراعۇسوۆا.

سونىمەن قاتار ول ءارتۇرلى قىزمەتتەردىڭ بىرلەسۋى قىسقا مەرزىم ىشىندە مىندەتتەردى بىرىكتىرۋگە اكەلۋى مۇمكىن دەگەن الاڭداۋشىلىعىن ءبىلدىردى.

«ۇلتتىق قوردا اقشا جەتكىلىكسىز بە، وندا قاتەردى تولىق زەرتتەمەي-اق زەينەتاقى قورلارىن بەرەيىك؟ بىزدە ءبىرىڭعاي جيناقتاۋشى زەينەتاقى قورىندا ءقازىردىڭ وزىندە ماسەلەلەر جەتكىلىكتى. مەن وسىدان قاۋىپتەنەمىن. سوندا قىزمەتتىك مىندەتتەردىڭ اراسى قالاي اجىراتىلماق؟»، - دەپ قىزىعۋشىلىق تانىتتى دەپۋتات.

وعان جاۋاپ رەتىندە سمولياكوۆ،  سالىمشىلارعا ءوز قاراجاتتارىن باسقارۋعا مۇمكىندىك بەرەتىن گيبريدتى جۇيەنى ەنگىزۋ جوسپارى بار ەكەنىن ەسكە سالدى.

ۇسىنعان: مارجان سابەت