بۇگىن 20-مامىر كۇنى كييەۆتە پرەزيدەنت ۆلاديمير زەلەنسكيي ءوزىنىڭ ۇلىقتاۋ راسىمىنەن كەيىنگى سوزىندە جوعارى رادانى تاراتۋ تۋرالى بۇيرىق بەردى دەپ حابارلايدى Qamshy.kz اقپارات اگەنتتىگى.

سونىمەن قاتار، جاڭا سايلانعان پرەزيدەنت دەپۋتاتتىق دەربەستىكتى جويۋ تۋرالى، زاڭسىز اقشا جىمقىرۋ تۋرالى زاڭدى قابىلداۋ ءۇشىن راداعا ەكى اي بەردى. وعان قوسا زەلەنسكيي قاۋىپسىزدىك قىزمەتىنىڭ باسشىسى، ۋكراينانىڭ باس پروكۋرورى، قورعانىس ءمينيسترىن جۇمىستان بوساتۋدى تاپسىردى.

“ەشقانداي كابينەتتە مەنىڭ سۋرەتىم ىلىنبەۋى كەرەك. پرەزيدەنت – تابىناتىن يكونا ەمەس، پرەزيدەنت پورترەت ەمەس! ەلىمىزدە بەيىتبىتشىلىك ورناعاندا، مەن ءوز ورنىمنان كەتەمىن. سوعىستى باستاعان ءبىز ەمەس، ءبىراق تا ونى اياقتاۋ – پارىزىمىز،” – دەدى جاڭادان سايلانعان پرەزيدەنت.

جوعارى رادانىڭ الدىندا ۆلاديمير زەلەنسكيي  ەل كوڭىلىنەن شىعاتىن جالىندى سوزدەر ايتتى.

–ءبىزدىڭ ءارقايسىسىمىز – پرەزيدەنت.

–جەر جۇزىندەگى ۋكرايندىقتاردى ەلگە شاقىرىپ، بارلىعىنا ازاماتتىق بەرەمىن.

–ۇكىمەت ءبىزدىڭ پروبلەمانى شەشپەيدى. ۇكىمەتتىڭ ءوزى – ءبىزدىڭ پروبلەمامىز!

–الداعى بەس جىلدا ۋكراينا حالقى جىلاماس ءۇشىن بارلىق نارسەنى ىستەيمىن.

ەستەرىڭىزگە سالا كەتەيىك، 41 جاستاعى شوۋمەن ۆلاديمير زەلەنسكيي ۋكرايناداعى پرەزيدەنتتىك سايلاۋدىڭ ەكىنشى اينالىمىندا ەلدىڭ قازىرگى پرەزيدەنتى پەتر پوروشەنكونى 73 پايىز داۋىس جيناپ جەڭگەن.

وقي وتىرىڭىز: زەلەنسكييگە ايقايلاعان لياشكو پرەزيدەنتتەن ءوزى ءسوز ەستىدءى

دايىنداعان: يلدار اديلچەنوۆ