"الماتى قالاسى قوعامدىق دامۋ باسقارماسىنىڭ" تاپسىرىسى بويىنشا "Qadam Intech" قوعامدىق قورى" جۋرناليستەر مەن بلوگەرلەر اراسىندا "جاسامپاز ەلدىڭ جاستارى" بايقاۋىنىڭ باستالعاندىعىن جاريالايدى.
بايقاۋدىڭ ماقساتى – جۋرناليستىك قاۋىمداستىقتى جاستاردىڭ ءومىرى مەن جەتىستىكتەرىن جازۋعا، ولاردىڭ شىعارماشىلىق الۋەتىن اشۋعا جانە ىنتالاندىرۋعا باعىتتالعان. بايقاۋدىڭ جالپى جۇلدەلىك قورى 7 000 000 (جەتى ميلليون) تەڭگەنى قۇراپ وتىر. بايقاۋ 7 نوميناسيا بويىنشا وتپەكشى، ياعني:
- ۇزدىك تەليەۆيزيالىق سيۋجەت؛
- مەرزىمدى باق-عى ۇزدىك جاريالانىم؛
- ۇزدىك راديوماتەريال؛
- اقپارات اگەنتتىكتەرىندەگى (ينتەرنەت-رەسۋرس) ۇزدىك جاريالانىم؛
5.الەۋمەتتىك جەلىدەگى (بلوگەرلەردىڭ ماتەريالدارى) ۇزدىك جاريالانىم؛
- ۇزدىك فوتوماتەريال؛
- ۇزدىك ۆاين.
– ەلباسىنىڭ جاريالاۋىمەن بيىل جاستار جىلى بولىپ بەلگىلەنگەن بولاتىن. ونىڭ ۇستىنە الداعى بايلانىس جانە اقپارات قىزمەتكەرلەر كۇنى قارساڭىنا ورايلاستىرىپ بايقاۋ ۇيىمداستىرىپ وتىرمىز. جاستار تاقىرىبى وتە اۋقىمدى. سپورت سالاسى مەن كاسىپكەرلىكتە جەتىستىككە جەتكەن نەمەسە قوعام دامۋىنا بەلسەندى ارالاسىپ جۇرگەن ەرەكشە جاستار جايلى ماتەريال بولسا، جەتكىلىكتى. وتىنىشتەر ءبىر اي شاماسىندا 21 ماۋسىمعا دەيىن قابىلدانادى، – دەدى قوعامدىق دامۋ باسقارماسىنىڭ كوممۋنيكاسيالىق ىس-تاجىريبەلەر ءبولىمىنىڭ باسشىسى ەرلان قوقامبايەۆ.
بايقاۋعا ەلىمىزدەگى جاستاردى الەۋمەتتىك-ەكونوميكالىق قولداۋعا، ولاردىڭ ءومىرى مەن جەتىستىكتەرىنە ارنالعان ماتەريالدار قابىلدانادى. بايگەگە قاتىسۋ ءۇشىن jasampazjastar.kz سايتىنا ونلاين تاپسىرىس بەرۋ قاجەت. ەسكەرىڭىزدەر، بايگەگە 2019 جىلعى 1 قاڭتاردان 2019 جىلعى 21 ماۋسىمعا دەيىن جاريالانعان (جاريالانىمدار مەن باعدارلامالار سيكلدەرى، ءتۇرلى جانرداعى وچەرك، سۇحبات، ماقالا، تەليەۆيزيالىق جانە راديو باعدارلامالار، جۋرناليستىك زەرتتەۋلەر جانە تاعى باسقالار) نەمەسە ەفيرگە شىققان ماتەريالدار قابىلدانادى. وتىنىشتەر 2019 جىلدىڭ 21 ماۋسىمىنا دەيىن قابىلدانادى.
ايتا كەتەيىك، بايقاۋدىڭ كوميسسيا مۇشەلەرى كاسىبي جۋرناليستەر مەن بلوگەرلەر. جەڭىمپازداردى ماراپاتتاۋ كۇنى 28 ماۋسىمعا، ياعني بايلانىس جانە اقپارات وكىلدەرىنىڭ ءتول مەرەكەسى كۇنىنە جوسپارلانىپ وتىر.
