ءبىلىم جانە عىلىم ءمينيسترىنىڭ بۇيرىعىمەن انار سايران قىزى ءابىلقاسوۆا قازاقستان رەسپۋبليكاسى ءبىلىم جانە عىلىم مينيسترلىگىنىڭ عىلىم كوميتەتىنىڭ ءتورايىمى بولىپ تاعايىندالدى، دەپ جازادى Qamshy.kz اقپارات اگەنتتىگى ق ر پرەمەر-مينيسترىنىڭ باسپا ءسوز قىزمەتىنە سىلتەمە جاساپ.

ا. ءابىلقاسوۆا 1976 جىلى سولتۇستىك قازاقستان وبلىسىندا دۇنيەگە كەلگەن. 1997 جىلى قاراعاندى مەملەكەتتىك ۋنيۆەرسيتەتىن «جۋرناليست» ماماندىعى بويىنشا، 2000 جىلى ءال-فارابي اتىنداعى قازاق ۇلتتىق ۋنيۆەرسيتەتىن «جۋرناليستيكا ماگيسترى» ماماندىعى بويىنشا بىتىرگەن.

ەڭبەك جولىن 1997 جىلى ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىندە جۋرناليستيكا كافەدراسىنىڭ وقىتۋشىسى رەتىندە باستاعان.

2000–2004 جج. — سولتۇستىك قازاقستان ۋنيۆەرسيتەتىنىڭ وقىتۋشىسى، اعا وقىتۋشىسى.

2004–2009 جج. — ءال-فارابي اتىنداعى قازاق ۇلتتىق ۋنيۆەرسيتەتىنىڭ ساياساتتانۋ كافەدراسىنىڭ اعا وقىتۋشىسى، دوسەنتى.

2009–2015 جىلدارى ق ر قاۋىپسىزدىك كەڭەسىنىڭ قۇرىلىمىندا جۇمىس ىستەدى: حاتشىلىق ساراپشىسى؛ تالداۋ ورتالىعىنىڭ سەكتور مەڭگەرۋشىسى، كونسۋلتانتى؛ سيتۋاسيالىق ورتالىقتىڭ سەكتور مەڭگەرۋشىسى قىزمەتتەرىن اتقارعان.

2015 جىلعى شىلدەدەن باستاپ قازىرگى تاڭعا دەيىن ق ر قاۋىپسىزدىك كەڭەسىنىڭ تالداۋ ءبولىمىنىڭ سەكتور مەڭگەرۋشىسى قىزمەتىن اتقارعان.

ۇسىنعان: مارجان سابەت