رەسەيلىك ارالاس جەكپە-جەك شەبەرى حابيب نۇرماعامەدوۆ قاسيەتتى رامازان ايىنداعى جاتتىعۋ جۇمىستارى تۋرالى ايتىپ بەردى. بۇل تۋرالى Qamshy.kz اقپارات اگەنتتىگى Lenta.ru سايتىنا سىلتەمە جاساپ حابارلايدى.

قازىرگى ۋاقىتتا نۇرماعامەدوۆ امەريكالىق داستين پورەمەن بولاتىن باسەكەگە دايىندىق جۇمىستارىن باستاپ كەتكەن كورىنەدى. دەگەنمەن، رەسەيلىك بىلعارى قولعاپ شەبەرى تىڭعىلىقتى دايىندالىپ جاتقان كەزدەسۋ ءالى كۇنگە دەيىن رەسمي بەكىتىلگەن جوق، ءبىراق حابيب بۇل كەزدەسۋدىڭ بولاتىنىنا تولىق سەنىمدى.

اۋىزى بەرىك سپورتشى ورازا كەزىندە جاتتىعۋ جۇمىستارىنىڭ كۇنىنە ەكى مەزگىل جۇرگىزىلەتىنىن مالىمدەدى.

"كۇنى بويى ەشتەڭە ىشىپ-جەمەيتىندىكتەن ابايلاپ جۇمىس جاساۋعا تۋرا كەلەدى. اعزا السىرەيدى. بۇلشىق ەتتەردى، بۋىنداردى قاتايتاتىن جاتتىعۋلارعا باسىمدىق بەرەمىز. كوبىنە شارشى الاڭعا شىقپاۋعا تىرىسامىز"، - دەدى ول.

30 جاستاعى رەسەيلىك جۋان جۇدىرىقتىڭ ەنشىسىندە 27 جەڭىس بار. ول قوس ءىرى تۋرنيردە (MMA مەن UFC) بىردە-بىر رەت جەڭىلىس ءدامىن تاتپاعان.

حابيب نۇرماعامەدوۆ – UFCء-دىڭ جەڭىل سالماقتاعى چەمپيونى. رەسەيلىك ءوزىنىڭ وسى تيتۋلىن سوڭعى رەت كونور ماكگرەگورمەن جۇدىرىق ءتۇيىستىرىپ قورعاپ قالعان ەدى.

اۋدارعان: ادىلەت مادەنيەت