22 مامىردا يتاليانىڭ سيەنا قالاسىندا اۋدارىلعان اۆتوبۋس ىشىندە 9 قازاقستاندىق بولعان. بۇل تۋرالى قازاقستان سىرتقى ىستەر مينيسترلىگى مالىمدەدى دەپ جازادى Qamshy.kz اقپارات اگەنتتىگى.

قازاقستان سىرتقى ىستەر مينيسترلىگى زارداپ شەككەندەر اراسىندا 9 قازاقستاندىق بارىن مالىمدەدى.  

"بەسەۋى اۋرۋحاناعا جاتقىزىلدى، ءتورت ادام قوناقۇيگە ورنالاستىرىلدى. زارداپ شەككەن قازاقستاندىقتاردىڭ كەيبىرىنىڭ ومىرتقاسى، بۇعاناسى مەن قابىرعاسى سىنعان، دەنەلەرى سوعىلعان"،- دەدى مينيسترلىك.

ايتا كەتەيىك، تۋريستەر وتىرعان اۆتوبۋس سيەنادان فلورەنسياعا بارا جاتقان جولدا مونتەريگگوني قالاسى ماڭىندا اپاتقا ۇشىراعان. كۋاگەرلەر سوزىنشە، اۆتوبۋس جولدان شىعىپ كەتىپ، سايعا قۇلاپ، اۋدارىلعان. الدىن الا دەرەك بويىنشا، اپاتقا سول ماڭدا قالىڭ نوسەر جاۋىپ، جولدىڭ تايعاناق بولۋى سەبەپ.

ەسكەرتە كەتەر ءبىر جايت، زارداپ شەككەن قازاقستاندىقتار تۋرالى قازاقستان رەسپۋبليكاسىنىڭ يتالياداعى ەلشىلىگىنە حابارلاسۋ كەرەك: +390636301130.

ۇسىنعان: ميات كاشىباي