ۇلىبريتانيا پرەمەر-مينيسترى تەرەزا مەي ەرتەڭ 24-مامىر كۇنى وتستاۆكاعا كەتۋى مۇمكىن. بۇل تۋرالى Qamshy.kz اقپارات اگەنتتىگى The Times باسىلىمىنا سىلتەمە جاساپ حابارلايدى.

بولجام بويىنشا، مەي پارلامەنتتىك كوميتەت باسشىسىمەن كەزدەسۋىنەن كەيىن جاريالايدى. مەيدىڭ كەتۋ سەبەبى – كونسەرۆانتتار پارتياسى مەن ۇكىمەت تاراپىنان قىسىم كورۋى.

ساراپشىلاردىڭ ايتۋىنشا، پرەمەردىڭ كوپتەگەن جاقتاۋشىلارى ونى قولدامايتىنى تۋرالى اشىق ايتقان. بۇل جاعداي پارلامەنت ەۋرووداقپەن كەلىسىمدى قولداسا، Brexit بويىنشا ەكىنشى رەفەرەندۋمدە دەپۋتاتتارعا داۋىس بەرۋ قۇقىعىن الۋعا ۋادە بەرگەننەن كەيىن بولدى. بۇل مالىمدەمەنى مينيسترلەر كابينەتى ءبىر اۋىزدان قولداماي، مەيدىڭ ۇسىنىسىن قابىلدامادى.

ەستەرىڭىزگە سالا كەتەيىك، 22-مامىر كۇنى قاۋىم پالاتاسىنىڭ باسشىسى اندرەا ليدسوم ءوزىنىڭ وتستاۆكاعا كەتكەنى تۋرالى جاريالادى. بۇل مەيدىڭ ۇكىمەت باسقارعالى بەرى ءوز ەركىمەن كەتكەن 36- ءمينيسترى بولىپ وتىر.

اۋدارعان: يلدار اديلچەنوۆ